Stuur jou resensie vir ons by

Mamma Mia

Met: Meryl Streep, Amanda Seyfried, Pierce Brosnan, Colin Firth en Julie Walters
Regisseur: Phyllida Lloyd

Sophie het net een wens vir haar troue. Dit is om haar pa te ontmoet.
Mamma Mia kon netsowel "chick fliek" in 'n subtitel gebruik het.

As jou rolverdeling boonop Meryl Streep en Pierce Brosnan insluit verstaan ek hoekom die gehoor die oggend hoofsaaklik uit mammas en manlike haarkappers bestaan het. Die groot sterre beteken ongelukkig ook meer in naam vir hierdie fliek as die bydrae wat hulle as akteurs lewer.

Het ek genoem dat dit 'n musiekblyspel is? As jy een van daardie mense is wat daarvan hou as iemand sonder rede uit die bloute begin sing, dan gaan jy versot wees op Mamma Mia. En as jy hou van ABBA, onthou jou hartmedikasie, want hulle sing nét ABBA-liedjies.

As daar een ding is wat Mamma Mia beslis gaan regkry, dan is dit om 'n hele nuwe generasie ABBA-aanhangers in te lyf. As 'n ABBA-deuntjie eers eenmaal in jou kop is kry jy dit nie daar uit nie. Soos jy nou daar sit skud jou kop waarskynlik liggies en maal "Mamma Mia" deur jou gedagtes.

Maak dit van Mamma Mia 'n swak fliek? Beslis nie. Amanda Seyfried is 'n openbaring as die aanneemlike Sophie. Die storie, aanvanklik wankelrig, laat jou met 'n ekstra huppel in jou stap huis toe gaan. Alles in aanmerking geneem is hierdie heerlike vermaak.
6 uit 10

Voorprent: Mamma Mia ->

Flieks
A
B
C
D
E
F
G
H
I
J
K
L
M
N
O
P
Q
R
S
T
U
V
W
X
Y
Z