Stuur jou resensie vir ons by

Max Payne

Met: Mark Wahlberg, Beau Bridges & Chris O'Donnell
Regisseur: John Moore

So tipies Hollywood. Vat 'n goeie idee en maak 'n swak fliek daarvan. Die aanklag die keer? Te min aksie.

Enige persoon wat Max Payne die rekenaarspeletjie ken verwag aksie, baie aksie. So wat het regisseur John Moore besiel om ons van noemenswaardige aksie te ontneem vir die hele eerste uur? Wanneer jy besluit om 'n fliek te maak van 'n bekende karakter weet jy mos daar gaan bepaalde verwagtinge wees.

Die fliek se storielyn bly wel getrou aan die oorspronklike. Max Payne is die speurder van New York wat steeds soek na sy vrou en kind se moordenaar. Wanneer sy mede-speurder vermoor word wend Payne hom tot die onderwêreld vir hulp.

Moore en kie verdien ook 'n pluimpie vir die gevoel wat die film jou gee. Dit is asof jy deel is van die oorspronklike speletjie.

Mark Wahlberg pas perfek in die hoofrol, maar daar is nie veel te sê oor die res van die rolverdeling nie. Daar is ook min sprake van karakterontwikkeling.

Aksie steek wel sy kop uit aan die einde. Die een aksietoneel op die ander, niks meer nie.

Max Payne was 'n groot teleurstelling. Diegene wat nie vir Max Payne ken nie mag dit dalk anders ervaar.
5 uit 10

Max Payne

Flieks
A
B
C
D
E
F
G
H
I
J
K
L
M
N
O
P
Q
R
S
T
U
V
W
X
Y
Z