Stuur jou resensie vir ons by

No Country for Old Men

Met: Josh Brolin, Javier Bardem, Tommy Lee Jones en Woody Harrelson
Regisseur: Ethan Coen & Joel Coen

In die 70's laas was daar sulke lang stiltes in 'n fliek, maar hierdie keer word dit perfek gedoen en dra dit by tot die spanning in een van die vreesaanjaendste en terselfdertyd mooiste films van die afgelope paar jaar.

Die storie is eenvoudig. 'n Armgat in Texas vind 'n tas vol geld, 'n psigopaat wil die geld met alle geweld (met klem op die geweld) terughê en die sherrif wil die psigopaat vang, hoewel hy eintlik eerder sal wil aftree.

Die kat-en-muis-speletjie wat hier ontvou jaag jou behoorlik die skrik op die lyf sonder om te maak asof dit 'n riller is, maar jy gaan nie jou oë kan weghou van die agtergrond waarteen dit verfilm word nie.

Javier Bardem doen vir die psigopaat Anton Chigurh wat Anthony Hopkins vir Dr. Hannibal Lecter gedoen het. Hy doen dinge wat jou laat vergeet om asem te haal en gaan maak dat jou stoel jou van aanranding aankla. Tommy Lee Jones se spel is ook uitstekend en die Coen-broers het beslis hul beste werk tot op hede gedoen.

Maar die film is veel meer as 'n uitstekende spanningsverhaal. Die psigopaat sny dieper as die oppervlak en laat jou met vrae oor die mens en sy wêreld en waarheen ons oppad is.

Wanneer laas het jy 'n meesterstuk gesien?
9 uit 10

Voorprent: No Country for Old Men ->

Flieks
A
B
C
D
E
F
G
H
I
J
K
L
M
N
O
P
Q
R
S
T
U
V
W
X
Y
Z