Stuur jou resensie vir ons by

Step Brothers

Met: Will Ferrell, John C. Reilly, Richard Jenkins, Mary Steenburgen & Adam Scott
Regisseur: Adam McKay

Step Brothers verdien meeste van sy punte vir die poster. Dit is een van daai kitsch portrette wat mens in baie voorstedelike huis sien. Maak nie saak wie jy is nie, niemand kan goed lyk op die goed nie. Dit is die grap. Iets wat veronderstel is om jou te laat goed lyk maak jou bespotlik.

Dieselfde span en regisseur wat vir Anchorman (2004) en Talladega Nights (2006) verantwoordelik was het Step Brothers vervaardig. Ongelukkig nie naastenby in dieselfde klas as die vorige twee nie.

Step Brothers is 'n kras geraas wat lyk asof dit die produk is van te veel drinksessies. Die humor is gemik op diegene wat net-net matriekulasievrystelling gekry het. Die F-woord word oral ingedruk en ons moet probeer oorleef in die skadu van skrotum-humor.

Will Ferrell speel sy (enigste) gunsteling karakter, 'n 40-jarige nikswerd wat steeds by die huis bly. Dan trou sy ma met 'n man wat ook 'n 40-jarige nikswerd het wat steeds by die huis bly. 'n Storie uitgeknip vir die talente van Will Ferrell en John C. Reilly, wat eintlik 'n goeie kombinasie is, net jammer die teks laat alles flop.

Selfs geharde Ferrell-aanhangers gaan sukkel om dit te geniet.
3 uit 10

Voorprent: Step Brothers ->

Flieks
A
B
C
D
E
F
G
H
I
J
K
L
M
N
O
P
Q
R
S
T
U
V
W
X
Y
Z