Stuur jou resensie vir ons by

Evan Almighty

Met: Steve Carell, Morgan Freeman & John Goodman
Regisseur: Tom Shadyac

En Morgan Freeman het die wêreld so liefgehad dat hy die (gewoonlik) snaakse Steve Carell gestuur het om 'n ark te bou en ons te vermaak. Steve het die ark gebou, maar dit was glad nie snaaks nie.

Morgan Freeman is God en hy gee vir Evan (Steve Carell) opdrag om 'n ark te bou. Daar is 'n vloed aan die kom, maar die keer is dit nie deur God se toedoen nie.

Indien jy The Santa Clause gesien het weet jy wat om te verwag van Evan Almighty. Carell se metamorfose as Noag is vreeeeeslik baie dieselfde as in The Santa Clause waar Tim Allen verander in kersvader.

Regisseur Tom Shadyac se werk was nog nooit uitsonderlik nie, dink maar aan Bruce Almighty (2003), Liar Liar (1997), The Nutty Professor (1996) en Ace Ventura : Pet Detective (1994). Evan Almighty is maar net meer van dieselfde.

Maar waar is die grappe? Komedies het grappe nodig. Steve Carell is inderdaad snaaks en hier verdien hy weer 'n paar punte vir die fliek, maar daar skort inderdaad iets belangrik met die teks - dit is nie snaaks nie.

Die fliek laat jou glimlag, maar dit voel soos myle van lag af.
4 / 10

Voorprent: Evan Almighty ->

Flieks
A
B
C
D
E
F
G
H
I
J
K
L
M
N
O
P
Q
R
S
T
U
V
W
X
Y
Z