Stuur jou resensie vir ons by

The Invasion

Met : Nicole Kidman, Daniel Craig, Jeremy Northam, Jackson Bond, Jeffrey Wright en Veronica Cartwright
Regisseur : Oliver Hirschbiegel

Ek sou skop, skree, byt, hare trek, vingers in oë druk en my ouma wurg, maar nooit, maar nooit sou ek 'n lelike woord oor Nicole Kidman uiter nie. Maar soos ek daai keer vir daai meisietjie gesê het : "Daar is 'n eerste keer vir alles."

Indien jy die vorige film gesien het, Invasion of the Body Snatchers (1978), moet jy een ding weet, die twee flieks het niks in gemeen nie. Invasion of the Body Snatchers was eersteklas wetenskapsfiksie, The Invasion is eersteklas snert.

'n Sielkundige (Nicole Kidman) ontdek 'n vreemde epidemie wat met 'n pendeltuig se stukke hier aangeland het en wat besig is om die mensdom oor te neem. Toevallig is haar seun die sleutel om dit te stop.

En al paradeer Nicole Kidman op 'n tyd in deurskynende pajamas is dit moeilik om haar te onderskei van die emosielose zombies. Sy lyk permanent soos iemand wie se gedagtes elders is. Van die ander akteurs gaan ek nie eens praat nie, want Kidman was die beste van die spul.

Die film self is 'n gelapte konkoksie wat vrot is van sinnelose pogings om spanning op te bou. Ditlyk ook asof die regisseur begin het met een tipe film en klaargemaak het met iets heeltemal anders.

Voorprent: The Invasion ->

Flieks
A
B
C
D
E
F
G
H
I
J
K
L
M
N
O
P
Q
R
S
T
U
V
W
X
Y
Z