Stuur jou resensie vir ons by

Wanted

Met: Angelina Jolie en Morgan Freeman
Regisseur: Timur Bekmambetov

As jou fliekhart 'n pasaangeër nodig het, is Wanted presies wat die dokter sal voorskryf.

Die storie handel oor 'n admin jokkie wat eendag skielik uitvind dat hy bonatuurlike kragte het (The Matrix?). Hy sluit aan by The Fraternity, onder leiding van Sloan (Morgan Freeman), om sy pa se dood te wreek. Maar eers moet hy opleiding kry en dit is die taak van Fox (Angelina Jolie). Sy moet hom leer hoe om 'n sluipmoordenaar te wees.

Die oorspronlike Wanted is 'n comic book van 2003. Die jaartal kom ongelukkig na my comic book-dae so ek ken nie die oorspronklike stories nie. Diegene wat wel die stories ken stem almal saam dat die film die oorspronklike werk se humor en visuele aanslag behou het.

Die storie is nie werklik oorspronklik nie. Blykbaar 'n algemene probleem met hedendaagse comic books. Met die verloop van die film lyk dit ook al hoe meer soos The Matrix. Die regisseur het vreeslik baie geleen by hierdie en ander films.

Klink nie goed sover nie? Maar Timur Bekmambetov gaan goed te werk om hierdie 'n aksiefliek en visuele skouspel te maak, vrot plekke ten spyte. Hy handhaaf 'n pas wat jou nie eintlik geleentheid gun om daaroor te dink nie. 'n Ritme wat jou hart saamsleep, al wil jou lyf en jou kop nie.

Wanted verg nie vreeslike breinaktiwiteit nie, maar dit is 'n skouspel uit die boonste rakke.
7 uit 10

Voorprent: Wanted ->

Flieks
A
B
C
D
E
F
G
H
I
J
K
L
M
N
O
P
Q
R
S
T
U
V
W
X
Y
Z