Stuur jou resensie vir ons by

You Don't Mess With the Zohan

Met: Adam Sandler en John Turturro
Regisseur: Dennis Dugan

'n Tipiese Adam Sandler-fliek: kru, met oppervlakkige humor en onsmaaklike karakters. Die ergste is dat daar altyd aan die einde van ons verwag word om die film se "boodskappie" ernstig op te neem.

Hierdie keer is Sandler 'n Israeliese spioen, Zohan, wat heimlik 'n haarkapper wil wees. Mens moet erken dat dit dadelik snaaks klink. Die uitvoering is ongelukkig pateties en voorspelbaar.

Zohan maak asof hy dood is in 'n skermutseling sodat hy na New York kan vlug en sy droom navolg. New York dink egter hy is 'n grap en al plek wat hom 'n kans gun is 'n Palastynse haarsalon. Natuurlik is hy 'n groot sukses en ons weet mos sy verlede gaan hom inhaal!

Hierdie tipe flieks steun op oordrewe humor. Ongelukkig word die enigste oorspronklike grappe verdrink in 'n trog vol naaktheid, vloekwoorde, seks en beledigings. Duidelik gemik op 'n oppervlakkige tienermark.

Die fliek se enigste punte word verdien deur John Turturro. Sy bydrae as Zohan se aartsvyand is hier en daar verteerbaar en selfs snaaks.

Intellektueel gestremde persone behoort dit te geniet.
2 uit 10

Voorprent: You Don't Mess With the Zohan ->

Flieks
A
B
C
D
E
F
G
H
I
J
K
L
M
N
O
P
Q
R
S
T
U
V
W
X
Y
Z