Gedigte kan HIER gestuur word.

Digters Anoniem

Hartseer

Ek staar na die hartseer
Met kringe om my oë

My gelpooide hart sit
Tussen die kettings van my bestaan

Die drang na sonskyn kan ek nie keer
Blaas wense van geluk na die maan

Wortels diep in my geloof bly ek glo
Kleur my lewens prentjie in met kleure van bo

Vang verlore skoenlappers van die verlede se seer
Verpak dit in gekleurde doeke

Skenk dit aan die reënboog se vleur
Vaarwel alle hartseer en vloeke

Jy

In die dag volg die skadu van die verlede my
Nagte los dit ´n bitter smaak wat
Ek sukkel om af te sluk

Jou teenwoordigheid ... drup
Drup en oorspoel my watertafel van geluk

Jy, jy wat staar na die gesig in die wolke
Vergeet, en sien die nuwe my

Jou liefde ... genees
Genees al die onsekerheid in my

Ek met al my tale
Wat jy nie verstaan, maar
Steeds, hou jy kop soos dollos krale

Jy, jy is die man, en ek
Ek is lief vir jou...

Digters
A
B
C
D
E
F
G
H
I
J
K
L
M
N
O
P
R
S
T
U
V
W
Y
Z