Gedigte kan HIER gestuur word.

Digters Anoniem

Sewe

Hang sewe geuwels vol angel-hair
maak hulle pienk met dulux verf
en skryf jou naam met 'n HB potlood in my hart.

Kom vlieg deur sewe wolke
daar waar silwer hakkies aan my wese kom kleef
hou dop as die maan opkom
en skree my naam in die melkweg in.

Bring sewe skepe na my kaai
breek die Chivas op sy boeg
raak aan my met nat hande
huil jou trane oor my kaai.

Want vandag is jou hande
dooie duiwe wat lê langs jou lyf
jou oë dof gebreek van pyn
soekende siel van liefde
waar is jou stem.

My vriendin lê en rus
terwyl sewe manne jou toegooi
onder sewe soorte sand
want vanaand is daar 'n ster
wat in die melkweg vir jou brand.

- GRAS

Dwarsboom
Jy wonderskoon jy
jy bly ´n skeppingswonder vir my

Sagte kurwes van vlees en bloed
en ek, ek net ´n dartelende onweerskampioen
opsoek na ´n dartelende lewe om saam mee asem te soek.

Skree en swoeg maal kort reim gedagtes binne in
´n oop skedel van swat verledes en toekomstige hedes.

Waarom draai jy jou rug op ´n vrou wat van jou hou
maar in dieselfde blompot kom plant jy jou blomme.

Godvrees ek vandag want weet jy ek is nie die een
wat vanaand stil sit en kyk hoe die sterre kinders kry nie.

Kom hak jou sakkiesmaan aan my linkerskouer
vandat ek jou ken word ek verseker
al hoe ouer.

- GRAS

Digters
A
B
C
D
E
F
G
H
I
J
K
L
M
N
O
P
R
S
T
U
V
W
Y
Z