Gedigte kan HIER gestuur word.

Digters Anoniem

Sonder Heenkome

In 'n plek wat ek probeer vergeet
Diep binne my gewortel
Is daar 'n hunkering
Waarmee ek uur vir eensame uur
In stilswye worstel

Niks kwel my verlange
Na 'n land waar ek altyd ontuis was
Nie wit en nie swart
Vasgevang tussen twee uiterstes
Die donker kontinent se las

Nog nooit was ek so alleen
'n vreemdling in 'n vreemde land
Daar 'n ewige groeiende leemte
in die swaar skaduwee van my siel
Ek wil huis toe gaan

Menswees

Soms is die stilte net te groot
Soms is die spasie net te wyd
Daar is geen woorde
Geen gebaar
Geen gebed
Wat die leemte kan vul

Soms is daar net te veel trane
Soms is daar net te veel pyn
Tasbare oseaane
Vol herinneringe
Vol ongeluk
Waar menswees vergaan

Digters
A
B
C
D
E
F
G
H
I
J
K
L
M
N
O
P
R
S
T
U
V
W
Y
Z