Gedigte kan HIER gestuur word.

Digters Anoniem

leeg

Leeg …
Is beloftes en woorde,
hol klanke uit alle oorde.
Leeg …
Is mense se oë,
vegtend met hul eie lewe vooroorgeboë!
Leeg …
Klink iemand se gelag,
amper skril en laf …

Alles en almal is so leeg …

liefdeswaan

soms wanneer mens dit die minste verwag,
staan liefde in jou gesig en lag

soms wanneer jy op die hoogste wolkie sweef, kerf die klug nog n diep gleef

soms twyfel ek of opregtheid bestaan, al weer verdwaal in my liefdeswaan

Net vir jou my liefste

Jou gedagtes klink verward
Soos blare kolkend in die wind
Soekend na die realiteit in jou hart
Weet asb. daar is iets wat ons bind
Beloftes klink soms leeg en swart
En die vraag bly staan
Sal ons saam geluk kan vind?

Ons moet die weg oopbaan
Ek en jy saam
Moet die liefdesband smee
Elke keer voor ons uitmekaar gaan
Moet ons albei onvoorwaardelik alles gee

Onskuld gaan soms klink soos verraad
Dit is die duiwel, maar net hy vind daarby baat

Hou op met wonder
Diep in my hart en in my siel in besonder
Groei die saad van liefde
Net vir jou
              my liefste

Twyfel

(geskryf vir Leo)

Met haar oop hand
Uitgestrek

Ruik sy huiwerig uit na jou

Iewers moet sy die lyn trek
En einde maak aan haar smart

Op hou om aan die ou dinge te klou

Malend en kolkend
Haar lewe in dryfsand

Reg om in een te vou

Treetjie vir treetjie
En op haar eie trant

Stap sy nader

Al op die nou, nou rand
En sy bid, o Liewe Vader

Wys my na watter kant ...

Digters
A
B
C
D
E
F
G
H
I
J
K
L
M
N
O
P
R
S
T
U
V
W
Y
Z