Gedigte kan HIER gestuur word.

Digters Anoniem

Voltooi

Jou vensters is soos wasem vannaand
En kreunde skeur deur jou siel.
Ek het jou gevoel hier onder my kombers.

Silte, verstaan
Hunker honger
Soek iemand anders
Verstaan niks
Dit wat ek wil h&ewcirc;
Kannie.
Jy moet by iemand anders gaan lê.

Ons soek en swets
Jy soek en ets
Iemand, ver van jou af
Terug in jou Godelike oorsprong.

My oë sien, en gees?
´n Lafhartige aanvaar.
Wanneer visie spil in doel
Het ek my stryd laat vaar.

Albei is goed gekwes.
Maar passie vloei deur ons are
Verby mekaar in dit wat moet

´n Mikstok met een stam
Die takke bloei.
Die winter is verby.
Kaggels brand uit.
En die son spie?l op die water.

- Koekoes

Ek het jou

Daar is diwweltjies waar ek spoorsny terug na jou hart Opsies, besluite en herontdek.
´n Staptog deur plantasies, eikebome en murasies.
Diep in donker gehul met die donkermaan
Wat die voetpad ligdig aanwys.

Ek sterf in die skaduwees.

Uile roep, takke kraak en breek.
Ek het jou amper verby gesteek.

Sekelmaan,
Ek tas en voel hoe jy beaam.
Jou kreune smelt in my passie
En ons gaan terug huistoe.

- Koekoes

Die ander een
Kerslig flikker, die nag wag geduldig.
Komberse is swaar
Maar die waarheid ontbreek
Honde blaf, alarms huil.
Die maan is half en laag.

Kom ons skop nes.
Jy binne my en ek verdwaal.
Ander horisonne, ander kragte.
Ek sien en keer, maar dis te laat.
God het vir my iemand anders gemaak.

Terug kom die donker,
Met treine, enjins en stiltes
Ek het vergeet, die waarheid lê nog versteek.

Gedagtes geknip, harte bly stom en arms hang lam.
Ek draai my wang en hou jou vas
Tot jy rustig slaap.

- Koekoes

Loveless
Luister, maar hoor niks.
Kyk, maar sien nie.
Eet, maar proe niks

Klinkende metal,
Rasige simbaal.

Ek kyk uit en vlieg weg.

- Koekoes

Weerbegin

Die doek gooi blou en ´n silhoeet word afge-ets in rooi.
As die winde draaie dans word dit klei.
Sal jou beeld altyd voor my staan?

My kwas het inspirasie.
As terpentyn se swamme toesak
Klou ek vas aan kleur.
Sy trane maak ´n nuwe lens
Wasig in sig,
En jy verdwyn.

Die doek maak ´n nuwe begin.

- Koekoes

Ek onthou

Dis nog winter,bruin, goud en
titsels van groen verf my blou.
Ek kyk af, terug in die pad
en by elke stippel
spil daar ´n foto van jou in my siel.

Dan is daar een lang wit streep
en al is hy v?r terug, sien ek hom duidelik.
Toe, was dit ook winter
jy die kaggel en ek die vuur

Baie het jy kom loswikkel 
hier onder my kombers.
Rus en verstaan is in jou gemoed

En ek staan doodstil.

- Koekoes

Digters
A
B
C
D
E
F
G
H
I
J
K
L
M
N
O
P
R
S
T
U
V
W
Y
Z