Gedigte kan HIER gestuur word.

Digters Anoniem

diamant

die ware geraas van my gedagtes
bind homself vas
in die uitdraai van 'n uitlaatklep
van klets na kuns
in drie sekondes

jy kannie die heilige gees uitsluit
en verwag die vader en die seun sal dit aanvaar nie
nog kan jy my sky van my derde dimensie
my kunstenaar
my ek.

ek wag vir die boonste punt van my gedagtes om my hier te kom vang
in volle aanvaarding van die werklikheid
vasgedruk in 'n hoekie
met n klein gaatjie
waardeur ek
skyn ...

jy bring my in my droom in
deur my te verwerp
skep jy my hemel
hier op aarde

ek word sterk genoeg om alleen te staan
my kindwees agter te laat
en aan te stap
met my hand in God s'n geswys
en my gedagtes wat wentel om n ligte punt
wat my insuig
bietjie
vir bietjie
vir bietjie ...

drie in een
gedagte gees en siel
die swaard sny my af aan die ander kant
klem my woorde in my hart terug
die niks wat ek is
n baie harde stukkie niks
waardeur die lig kan skyn,
geslyp deur jare
en jare se pyn ...

Digters
A
B
C
D
E
F
G
H
I
J
K
L
M
N
O
P
R
S
T
U
V
W
Y
Z