Gedigte kan HIER gestuur word.

Digters Anoniem

Wil & Waan

Jou voorvaders, my voorgeslagte
lê in kiste waar die wurms nasie bou.
So gee my maar my mushrooms
en laat ek voortleef op my coke.
Van politici en karre het ek ´n
dekade van demokrasie gelede al
begin kots en choke.

Liefde is skaars, seermaak liefde
is my trou. Vriende, julle, en dalk ek
gaan verteer word deur die retrovirus,
maar hierdie is my lewe met sy waan,
en hierdie waan is tot die dood toe
my bestaan.

- Roedi Nolte

Appeltert

ek sit by die werk in die kantien en eet
langtand alleen aan die droeërige
mini appeltert wat ek met suursterk
koffie verby die knop in my keel afsluk

en ek dink my terug in Oudtshoorn
waar ek stowwerig kaalvoet al
fietsryend by die agterdeur stop vir
my ma se appeltert en soet tee

- Roedi Nolte

Memoire van ´n Struggle Prima Donna¹

Tafelberg en Leeukop was teen die laatkim my backdrop,
die skiereiland my stel.

Bedelaars, verbruikers, verspreiders,
karakters en kadawers, die sterre in my spel.

En ek, Diva, van die arm vlakte,
my stem gedwaal op dowe ore?

Nee. Nee. Nee!

Ek het gegrynslag en geglim, ek het royal gebuig,
selfs my skoene aan die skare gegooi met ´n boog

en toe...

toe staan ek kaalvoet op die verhoog.

- Roedi Nolte

¹ Inskrywing vir Kalahari.net Liriek Dinamiek kompetisie.

Die Besoeker

My lense is al heeldag in,
na ´n lang dag by die werk.
My sig is nou reeds sinkplaat dof,
en ek smag na rum en Coke.

Die voordeur sluit ek sugtend oop,
daar is ´n duwweltjie op die mat.
Iemand was in my eenmanshuis,
hierdie doringtjie het hom verklap.

Ek buk en tel die duwwel op
met ´n knie wat kraak, en toe ´n gil:
O liewe aarde, o my fok!
My besoeker was ´n spinnekop.

- Roedi Nolte

Die Snaar

Van Wyk Louw het ´n beiteljie
en Opperman ´n skip,
maar ek het ´n kitaar
en ek stem hom na ú skik.

Kantiek pluk ek die E-snaar,
en ek pluk en pluk hom weer.
Dan span ek aan die F-snaar,
tot u hartsnaar resoneer.

- Roedi Nolte

Alleen Lelie

Oo wit lelie alleen in die middel van die dam. Hoe koud kry jy in die nagte nie!

- Roedi Nolte

Pasop

´n Slang is nie ´n slak nie:
as jy hom sien, moet jy nie op hom trap nie.

- Roedi Nolte

Jerry Springer

Daar is ´n lighter op die stoep
bottel vodka byderhand.

´n Stoppelbaard man en boep.

´n Afgrond. Met vroulief op die rand.

- Roedi Nolte

"Little Child" (vir Eric Berne)

Iets moet gebeur in my lewe
of iets moet stadig sterf.

Die kind in my moet asem kry,
hierdie kind haas onbederf.

- Roedi Nolte

Dolly (vernoem na ´n skaap)

Vanaand voel ek lus om myself te kloon,
vir goeie geselskap,
wat belangstelling toon.
´n Objektiewe beeld van ´n baie ou vriend,
geskape na my vorm,
geskoei in wat ek sien.

´n Nugter argument gewortel in wyn,
´n rationalisasie doen weg met die pyn.
Die uitruil van gedagtes - net ek en myself,
met die geselskap van ´n bekende:
ek kan oneindig delf.

Geen taboes of geheim: hy ken my hart;
ek bewonder sy eerlikheid oor my pyn en smart.

Dit word laat en my geselskap raak lus vir die bed:
dit is tyd vir die einde van my gedagte duet.

- Roedi Nolte

Manne Man (vir Walt Whitman - O Captain! My Captain!)¹

Die manne man se lewe:
´n probleem van spasie.
Sy giere en maniere is
van waar gehasie?

Om ´n plekkie te vind
en in soelte te blom.
En dit sonder die vrees
vir ´n verlate omkom.

- Roedi Nolte

1. Titel van die gedig O Captain! My Captain! uit die bundel Leaves of Grass deur Walt Whitman, 1819 - 1892. 1900.

Butan

Prostaat en prostituut,
die een ´n klier die ander een verbied.

´n Roos die dirigent en ´n vlesige butan,
´n ingewing en moment en dan

die gees gedaan.

- Roedi Nolte

Mara

Reën jy is my sielsmara was
ongeneeslike wonde ´n lem deur my grein
elke druppel geval om pynloos te tas

vertroosting so koel, so sag en gereeld
vir groen nuwe lewe
en ´n gans nuwe beeld

´n storm bars los en woed onbeheersd neer
en so druk jy met donder
die etter uit die sweer

individuele terapie - elke druppel vir my
so val elke druppel by Panorama verby

Saggies O saggies, presipiteer

O druppeltjies was my nog ´n laaste keer.

- Roedi Nolte

Knatersaak

seksualiteit is tog ´n belangrike ding
ek soek dus na ´n meisie
nee eerder ´n vriendin

´n verbintenis sonder liefde
net om ´n ietsie mee te begin

- Roedi Nolte

Motte

Die liefde en die mot is blind
albei in harstog en kersvlam verslind.

Wat oorbly is poeier in ´n koue blaker
na die geknetter in die flikkervlam

- Roedi Nolte

Vers(moor)

´n Arm gryp diep uit my long en deur my mond na ´n laaste adem
ek proe die sout op my tong
In dun droë lug ´n soeke na soelheid wat kalmte bring
die vangs is besoedel en verwrong
´n Kloppende hart in die klemming van die hand en naarstigtelik
die hart se finale sprong.

- Roedi Nolte

Hoer

Onaangeraak laat jou voorkoms my:
aan jou affek het ek geen steur nie.

Ongekwel deur ydel denke:
jou lament vooraf bepaal.

´n Duet ontaard tot in sonata:
jou hartklop die treurige solo.

Vals klavier wat ewig weerklink!
´n muse sonder verhaal.

- Roedi Nolte

Men(toor)

So vra staff-nurse Mentoor:
"Hoe gaan dit vandag meneer?"

"Ag ou suster net soos gister,
maar kyk net hoe mooi is die weer."

"Maar sê my suster,
alles nou,
hoe het ek dit dan verbrou?"

"Meneer,
meneer moet net geduldig wees,

en met wilskrag,

die klippertjies kou."

- Roedi Nolte

Lig

Uit die dieptes en die kuile,
in die onbekende nag.
Sit ek op saam met die uile,
uit die donkerte kom krag.

- Roedi Nolte

Digters
A
B
C
D
E
F
G
H
I
J
K
L
M
N
O
P
R
S
T
U
V
W
Y
Z