Roekeloos.co.za: Poësie (Gedigte): Riëtha Zondagh

Gedigte

Gedigte kan HIER gestuur word.

Digters Anoniem

Forum vir die bespreking en beoordeling van gedigte in hierdie afdeling.
Digters Anoniem ...

Verwoed

2004. Vervolmaak is die woede in die mens!
Tegnologie versuim - die ou sentrales is weg
Die Effektebeurs is op SENS ...
Mense verloor besittings en kinders,
na ander lande
Ook ek moet na 'n plaas -
van 'n man met geld en geporseleinde tande
Alles verloor
'n Onwaarskynlike weldoener keer
dat ek myself vermoor
Lyne is dood. Kliënte soek histeries na my
Die spertye gaan verby
My brood verloor ek steeds
Gedydend bly my frustrasie
In die nuwe tuiste van ons nasie
Waarom ontwyk die dankbaarheid my?
By die voordeur bars my hart
Wat is dit..
Hier voor my deur?
Kom in my hond - ek trek hom aan sy band.
Woede maak my tien maal sterker.
En die bakkop Rinkhals
uitgevat in 'n aandpak met 'n
breë wit strikdas
Staan hoog en fier hier voor my. Sy vleuels uitgespan -
trots keer hy my vas.
Jou Donder! - jy met jou
seunsagtige semen-sputum
ek maak jou vrek!
Hy spoeg mis
Die warm strykyster tref hom vinniger as
wat hy kan pik
My delikate liggaam is vol kwaad en lis
Hy's dood, my keel is droog wanneer ek sluk
Arme slang,
JOU woede was anders.
Jy was maar net bang
En so blaas jy jou laaste sis
In jou pragtige pak en strikdas uitgevat
'n Man kom slaan jou kop nog verder plat
Askuus Rinkhals,
My woede bly besete,
Maar teen die aand is jy lank reeds vergete.

- Riëtha Zondagh

Digters
A
B
C
D
E
F
G
H
I
J
K
L
M
N
O
P
R
S
T
U
V
W
Y
Z