Dagboek Kunstefeeste Musiekdagboek Teaterdagboek

Het jy 'n bydrae of resensie vir die Musiekafdeling? Stuur dit na .

Tall, Dark & Afrikaans

Emo Adams se album, Tall, Dark & Afrikaans is onlangs uitgereik en deesdae sing oud en jonk lustig saam met sy liedjies "Gums Kawielie Wams" en "Die Nuwe Oukraalliedjie" - 'n interessante verwerking van die oue deur Emo en David Kramer.

Emo het 'n lang pad geloop in die vermaaklikheidsbedryf sedert hy op 9-jarige ouderdom die rol van Broe'tjie in David Kramer en Taliep Petersen se District 6 the Musical gespeel het. Sedertdien het hy die wêreld deur gereis in die hoofrol van Kramer & Petersen se Kat & the Kings met lang speelvakke in Frankfurt, Wene, Las Vegas en Londen se West End! Meer onlangs was hy ook te sien as die nimlike Lovebite in kykNET se reeks, Alie Barber, Huisgenoot 90 Die Konsert, Bra Elvis (by KKNK en Aardklop) asook verlede jaar se onvergeetlike Kaapse Jol Konsert, waar hy hulde gebring het aan sy mentor, wyle Taliep Petersen.

Emo het pas 'n baie suksesvolle toer saam met Robbie Wessels agter die rug en binnekort is hy te sien op SABC 2 as ernstige akteur saam met Gys de Villiers in 'n nuwe speurreeks, Malan & Kie.

Sedert hy 2 jaar gelede die Afrikaanse musiektoneel betree het, oorweldig hy steeds gehore met sy lewendige solo optredes, want hy is energiek, divers en komies - 'n unieke pakket, wat min hom sal kan na-doen. Emo Adams is sonder twyfel 'n ware "entertainer."
Koop / Buy Tall, Dark & Afrikaans ...

Musiek
A
B
C
D
E
F
G
H
I
J
K
L
M
N
O
P
R
S
T
U
V
W
Z
MUSIEKVIDEOS