Dagboek Kunstefeeste Musiekdagboek Teaterdagboek

Het jy 'n bydrae of resensie vir die Musiekafdeling? Stuur dit na .

Ever Since Then

Vir die derde keer bederf Navi Redd hul aanhangers met 'n splinternuwe, oorspronklike CD - Ever Since Then. En as jy nog nie 'n aanhanger is nie, sal jy beslis een wees nádat jy hierna geluister het.

Ja, maak jou reg vir 'n wilde rit van klank, waar daar 'n splinternuwe baadjie aangetrek word vir 'n wye verskeidenheid musiek. Dié produksie sal sonder twyfel aanklank vind by oud en jonk, manlik én vroulik.

'Op hierdie CD het ons baie hard probeer om die publieke mark gelukkig te hou, sowel as die groot hoeveelheid korporatiewe kliënte wat ons het. Ons het boonop twee splinternuwe snitte opgeneem wat nog nooit lewendig op die verhoog gehoor is nie en spesiaal vir die CD in die ateljee verwerk is. Die een is Nicholis Louw se "Ek is nog hier" en die ander een is Queen se "Don't stop me Now".'

Al die lede van die groep is rasend opgewonde oor dié produksie ... en met rede. Want met hierdie nuwe CD het hulle finaal wegbeweeg van tipiese a capella musiek na 'n ware voice-band toe.

'As mense hoor ons doen a capella musiek, dink hulle dadelik aan 'n stywe koor of ensemble. En dié wat Navi Redd al lewendig gesien het, sal weet dat ons alles behalwe 'n koor is. Met hierdie nuwe CD het ons doelbewus probeer om die energie en passie van 'n lewendige optrede in die verwerkings vas te vang,' sê hulle.

Waar a capella stemme tradisioneel sonder instrumente is, is Navi Redd 'n voice-band met hul stemme as die instrumente. Daar is 'n hele orkes, van 'n baskitaar, perkussie, tromme, klawerborde, kitare, trompette - en dit alles net met stemme!

Ever Since Then se omslag is iets nuuts en iets anders en die idee was om deur 'n eenvoudige en tydlose ontwerp, iets weer te gee van die toekomstige rigting waarin Navi Redd wil beweeg. Daarby moet hul image steeds kommersieel en modern bly.

En of dié CD volgens hulle goed gaan verkoop?
"Ná die sukses van ons vorige CD, Voices is ons ondersteuners uitgehonger vir die nuwe CD. Daar's iets vir almal op. Soos met elke nuwe vrystelling poog mens om 'n beter produk vry te stel in terme van klank en samestelling. Ons glo dat Ever Since Then beslis aan hierdie verwagting sal voldoen. As ons na die sukses van Voices kyk, is ons baie positief oor die toekoms van dié album. Hierdie CD kan jy op repeat/shuffle sit en vir láááánk los ."

Luister veral na hul weergawe van "I like to move it" - dit gaan sonder twyfel 'n treffer wees - selfs by partytjies en klubs, sonder 'n enkele instrument. Daar is nog nooit só iets in Suid-Afrika gehoor nie!
Koop / Buy Ever Since Then ...

Musiek
A
B
C
D
E
F
G
H
I
J
K
L
M
N
O
P
R
S
T
U
V
W
Z
MUSIEKVIDEOS