Stuur jou resensie vir ons by

I am Legend

Met: Will Smith
Regisseur: Francis Lawrence

Fiksie gebaseer op verbeelde wetenskaplike ontwikkelings was nog altyd een van my gunsteling genres. Hiermee saam het ek lank gelede I am Legend van Richard Matheson gelees.

Die storie begin drie jaar nadat 'n dodelike, mensgemaakte virus 'n groot deel van die wêreld se bevolking doodgemaak het. Dr. Robert Neville (Will Smith) is die enigste oorlewende in New York. Bedags jag en versamel hy kos, snags lê hy en sy hond en sy geweer in die bad.

[Diegene wat beplan om die film nog te sien moet nie verder lees nie.]
Neville is imuun teen die virus en probeer 'n entstof ontwerp in die laboratorium onder sy huis. Mens en dier wat nie so gelukkig is nie is of dood of het verander in mal, haarlose mensvreters met bomenslike krag.

Die misvormde mense is 'n welkome afwyking van die oorspronklike boek se vampiere wat deur Neville gejag is met skerp houtstawe en knoffel. Die filmweergawe van die hoofkarakter is ook nie die astrante karakter van die boek nie. Will Smith se karakter is minder veglustig, toon tekens dat hy nie opgewasse is teen alleen wees nie en begin besef die toekoms is duister.

Die CGI-karakters is bietjie swak vir 2007 en terwyl regisseur Francis Lawrence (Constantine, 2005) die spanning goed opbou gebruik hy hier en daar voorspelbare metodes. Oor die algemeen is hierdie egter 'n knap stukkie werk van Lawrence en 'n aanduiding dat Will Smith veel meer as 'n aksieheld kan wees.
7 uit 10

Voorprent: I am Legend ->

Flieks
A
B
C
D
E
F
G
H
I
J
K
L
M
N
O
P
Q
R
S
T
U
V
W
X
Y
Z