Tienerangs

TienerAngs is die 2de enkelvrystelling vanaf die K.O.B.U.S.! se komende derde album Swaar Metaal.

Hier volg 'n spesiale boodskap en aanwysings aan almal wat gyselaar gehou en serebraal verkrag word deur outoppiepispotpensioentrektreffers, irrelevanteboerebluesmompelpoësie, oorskatteafrikaansrockhoor!puisiepop, bekfluitjiemybabybanaliteite, kitskerfeestrefferkonkoksies en ander gekastreerde kalamiteite.

Probeer jouself voorberei al wéét jy diep, diep binne die weergalmende labirint van jou verwaarloosde audio-siel dat dit 'n futiele godsonmoontlikheid is.

Hou aan 'n sterk, onbeweegbare voorwerp vas en maak gereed om met 'n swaar metaal realiteitsklap wedergebore te word deur die skaamtelose tentoonstelling van die onloënbare mag van TienerAngs.

En dan, na jy nuwe onderklere aangetrek het, ná die besef ingesink het dat jy tot dusver deur 'n oënskynlik nimmereindigende stroom twyfelagtige musiekmorone oor en oor met 'n alledaagse slapriem van middelmatigheid onder die opportunistiese vaandel van 'ligte vermaak' gevang word ... en na jy dié verleentheid verwerk het:
-Val op jou knieë.
-Toon berou vir jou dwaling en laster.

EN SPEEL DIT SO FOKN HARD AS MOONTLIK!

Koop / Buy Tienerangs ... MP3's (net een of almal)

Musiek
A
B
C
D
E
F
G
H
I
J
K
L
M
N
O
P
R
S
T
U
V
W
Z
MUSIEKVIDEOS