Dagboek Kunstefeeste Musiekdagboek Teaterdagboek

Het jy 'n bydrae of resensie vir die Musiekafdeling? Stuur dit na .

Reis na die Suide

Laurinda Hofmeyr se musiek maak gedigte wakker.

Reis na die Suide is `n unieke album waarin Laurinda die ritme, ruimte en betekenis van aangrypende Afrikaanse gedigte vertolk. Die luisteraar word meegevoer op 'n reis deur bekende Suid-Afrikaanse landskappe en dit is uiteindelik ook die verborge innerlike landskappe wat nie onaangeraak bly nie.

Breyten Breytenbach is duidelik 'n digter wat Laurinda aanspreek. Ses van sy gedigte word ingespan om besondere musikale horisonne te verken. Drie hiervan is nuwe toonsettings wat nog nie in Laurinda se vertonings gehoor is nie.

Gunstelinge by haar vertonings soos Eugène Marais se bekende "Die dans van die reën" en Fanie Olivier se "Last grave at Dimbaza" kan ook op die CD gehoor word.

Anders as met Laurinda se vorige album Ligdag, is net 'n handjievol musikante betrek. Laurinda en die musikante wat gewoonlik saam met haar optree, David Klassen (tromme, perkussie en agtergrondsang) en Schalk Joubert (baskitaar, kontrabas, kitaar en klawerbord), is vir die meeste van die klanke verantwoordelik. Ander musikante wat bygedra het, is Kevin Gibson (tromme op snit 2, 3 en 6), Zanta Hofmeyr (viool), Heather Burgess (fluit), Melissa van der Spuy (agtergrondsang en trekklavier), Nicole Holm en Neo Muyanga (agtergrondsang).

Met die hulp van die twee ou staatmakers, Schalk Joubert (musiekregie) en Jürgen Von Wechmar (klankregie en vermenging), neem hierdie CD 'n unieke klank aan wat die ritme, ruimte en betekenis van die woorde vertolk.

Koop / Buy Reis na die Suide CD ...
Koop / Buy Reis na die Suide MP3's ... (net een of almal)

Musiek
A
B
C
D
E
F
G
H
I
J
K
L
M
N
O
P
R
S
T
U
V
W
Z
MUSIEKVIDEOS