Stuur jou resensie vir ons by

Death Race

Regisseur: Paul WS Anderson
Met: Jason Statham & Robert LaSardo

Paul W. S. Anderson het 13 jaar lank probeer om 'n moderne weergawe van Death Race 2000 (1975) te maak. Ek was so opgewonde oor die nuus dat hy geslaag het in sy doel, die eindproduk was nie eens meer belangrik nie.

Ek was 'n klein tjokkertjie toe ek Death Race 2000 gesien het. Dit was een van daai flieks wat veroorsaak het dat ek nooit ophou fliek het nie. Wie weet of dit goed was en watter sesjarige gee om? Die futuristiese aspek het my aangegryp, die idee het my uit my skoene geskok en my toekomstige aanhang van galgehumor is gevoed.

Dit is die verhaal van 'n resies wat oor die lengte en breedte van Amerika plaasvind. Die wenner is die persoon wat die meeste punte aanteken. Punte word verdien elke keer as jy 'n voetganger omry. David Carradine was die "held" Frankenstein en, sien ek vandag, Sylvester Stallone was Machine Gun Joe Viterbo.

Die nuwe Death Race vertel nie die oorspronklike verhaal nie, maar gaan terug in die verlede van Frankenstein (nou Jason Statham). Ons sien hoe 'n ongenaakbare wedren sy ontstaan in die tronk het. Een waar deelnemers hul opponente probeer afmaai.

Moet geen diepte in die fliek verwag nie, dis net aksie van begin tot einde. Die aksietonele is glad nie sleg nie, by tye selfs innoverend. Dit is hier (en amper net hier) waar die fliek sy punte verdien. Mens moet ook erken dat die hoofrol Jason Statham soos 'n handskoen pas.

Laastens moet regisseur Paul W.S. Anderson ook erkenning kry vir die verbetering. Die hemel help ons dat hy weer 'n Alien vs Predator of Resident Evil maak.

Verwag min en jy sal baie kry!
6 uit 10

Flieks
A
B
C
D
E
F
G
H
I
J
K
L
M
N
O
P
Q
R
S
T
U
V
W
X
Y
Z