Stuur jou resensie vir ons by

Die Flieks van 2008

2008 lyk na 'n beter jaar om te gaan fliek as die vorige een. Die voorspelling is dat jy een of meer van die volgende films sal onthou na afloop van die jaar :

10 000 B.C.

Regisseur Roland Emmerich vat ons 'n paar duisend jaar terug en ons ontdek sommer 'n verlore beskawing in die proses.

21

Die ware verhaal van hoe 6 MIT studente die bank gebreek het in Las Vegas. Met Kevin Spacey, Kate Bosworth en Laurence Fishburne.

Australia

Regisseur Baz Luhrmann (Moulin Rouge) maak selde 'n flop. Nicole Kidman is weer in die rolverdeling in die storie wat afspeel in Australië net voor die Tweede Wêreldoorlog. Die manlike hoofrol is ook 'n Australiër, Hugh Jackman.

Babylon A.D.

Vin Diesel in 'n aksiebelaaide sci-fi fliek met bietjie Franse finesse in die vorm van Gérard Depardieu.

Blindness

'n Hele dorp word oornag blind, behalwe vir die dokter se vrou. Sy maak asof sy blind is, sodat sy na almal kan omsien. Met Mark Ruffalo, Julianne Moore, Danny Glover en Alice Braga.

The Box

'n Paartjie ondervind probleme met hulle huwelik, totdat daar eendag 'n vreemde boksie op hul voorstoep beland. Die boksie bring voorspoed, maar dit maak ook iemand dood. Met James Marsden, Cameron Diaz en Frank Langella.

The Chronicles of Narnia: Prince Caspian

Die Pevensie kroos is weer in Narnia, maar die keer moet hulle teen 'n bose koning baklei en sorg dat Prins Caspian die troon bestyg. Die regisseur is weer Andrew Adamson.

City of Ember

'n Stad van ligte se kragopwekker is besig om in te gee. 'n Oulike idee met 'n goeie rolverdeling, wat insluit Bill Murray, Tim Robbins en Martin Landau.

Cloverfield

'n Monster val New York binne. Die verhaal word vertel uit die oogpunt van 'n groepie jongmense. Al wat leef en beef op die Internet gons oor hierdie film.

Curious Case of Benjamin Button

Die vreemde storie van 'n man wat agterstevoor ouer word. Dit is weer Brad Pitt wat saamspan met David Fincher, die regisseur van Fight Club. Die rolverdeling sluit ook Cate Blanchett en Tilda Swinton in.

The Dark Knight

Regisseur Christopher Nolan (Batman Begins) se Batman pak die keer die Joker. Met Christian Bale, Heath Ledger, Morgan Freeman, Michael Caine, Gary Oldman, Aaron Eckhart en Maggie Gyllenhaal.

The Day the Earth Stood Still

Klassieke sci-fi fliek oor 'n wese uit die buitenste ruim wat die aarde saam met sy robot besoek en 'n waarskuwing bring. Met Keanu Reeves, Jennifer Connelly en Kathy Bates.

Dr. Seuss' Horton Hears a Who

Dr. Seuss se storie van 'n olifant wat 'n hulpkreet hoor van 'n stofkolletjie wat deur die lug dryf. Met die stemme van Jim Carrey, Steve Carell, Carol Burnett, Seth Rogen, Will Arnett en Jaime Pressly.

Get Smart

Maxwell Smart, Agent 86 van CONTROL, beveg die bose magte van KAOS met die meer bevoegde Agent 99 aan sy sy. Dit kan net snaaks wees met Steve Carell en Anne Hathaway in die hoofrolle.

The Happening

M. Night Shyamalan (The Sixth Sense, Signs, The Village) se films is selde 'n mors van tyd. Hierdie riller handel oor 'n familie wat vlug van 'n natuurramp. Met Mark Wahlberg en John Leguizamo.

Harry Potter and the Half-Blood Prince

Nog 'n jaar nog 'n Harry Potter. Die regisseur is David Yates (Harry Potter and the Order of the Phoenix). Met Daniel Radcliffe, Rupert Grint, Emma Watson, Helena Bonham Carter, Jim Broadbent en Robbie Coltrane.

Hellboy 2: The Golden Army

Hellboy en sy trawante moet weer die aarde red. Hoekom is Hellboy 2: The Golden Army op hierdie lys? Indien jy regisseur Guillermo del Toro se Pan's Labyrinth gesien het sal jy die antwoord weet.

The Incredible Hulk

Dr. Bruce Banner en sy groen alter ego het die keer 'n direkte teenstander - The Abomination. Met Edward Norton, Liv Tyler, Tim Roth en William Hurt.

Indiana Jones and the Kingdom of the Crystal Skull

18 jaar na die laaste fliek bring Steven Spielberg vir Dr Jones terug. Met Harrison Ford, Shia LaBeouf, Cate Blanchett en Jim Broadbent.

Iron Man

Robert Downey Jr. is te sien in die rol van hierdie strokiesprentkarakter. Ook met Gwyneth Paltrow en Jeff Bridges.

Jumper

'n Sci-fi aksiefliek oor mense wat hulself kan teleport van een punt na 'n ander. Met Hayden Christensen, Samuel L. Jackson, Rachel Bilson en Jamie Bell. Die regisseur is Doug Liman (Mr. & Mrs. Smith)

Religulous

Bill Maher se dokumentêr oor die stand van godsdiens in die wêreld gaan baie mense baie kwaad maak. Maak gereed vir doodsvonnisse van ajatolla's tot NG dominees.

Speed Racer

Larry en Andy Wachowski, wat verantwoordelik was vir The Matrix-films, raak weer oorspronklik met hul weergawe van 'n Japanese strokiesprent. Met Christina Ricci, John Goodman en Susan Sarandon.

Star Trek XI

Die flilm vat ons terug na die eerste dae van James T. Kirk en die bemanning van die USS Enterprise.

Valkyrie

Daar is groot verwagtinge van hier fliek wat gebaseer is op die sameswering om Adolf Hitler te vermoor. Die regisseur is Bryan Singer (X-Men 2 en Superman Returns). Met Tom Cruise, Bill Nighy en Kenneth Branagh.

WALL.E

Iets vir die kinders. 'n Klein Robot met 'n doel in die lewe.

Flieks
A
B
C
D
E
F
G
H
I
J
K
L
M
N
O
P
Q
R
S
T
U
V
W
X
Y
Z