Stuur jou resensie vir ons by

The Incredible Hulk

Met: Edward Norton, Liv Tyler, William Hurt & Tim Roth
Regisseur: Louis Leterrier

Indien jy die Hulk iewers in Suid-Afrika in 'n kroeg raakloop sal sy eerste woorde iets wees soos "Ek moer!" Lid van die geslag dik-nek-en-klein-tandjies. 'n Psigopaat met 'n doel.
Sy bloed is groen en hy drink natuurlik brandewyn en Coke.

In vergelyking met Hulk is The Incredible Hulk nog meer van dieselfde, en glad nie sleg nie.

Die storie draai weer om die konflik tussen Bruce Banner en generaal Thaddeus. Bruce beskou sy krag as 'n siekte, terwyl dit vir Thaddeus 'n bruikbare wapen is. Die keer het hy ook 'n teenstander wat nie bly lê as jy hom met 'n kroegstoel slaan nie. Tim Roth is die Abomination.

Getrou aan die karakter wat ons onthou uit die comics word daar die keer meer gefokus op die Hulk se krag en woede. Dit kan mens sommer vooraf raai as jy sien Louis Leterrier van Transporter-faam het diens gedoen as regisseur. Dit is aksie van voor tot agter. Of iemand wil die Hulk vang of die Hulk wil met iemand baklei.

Ek weet net nie of ek van Edward Norton hou as die Hulk nie. Norton is 'n goeie akteur, maar daar is iets soos te veel wroeg as jy 'n superhero is.

Aan die einde van die fliek maak Tony Stark skielik sy opwagting. Ek ruik 'n Avengers-fliek!
7 uit 10

Voorprent: The Incredible Hulk ->

Flieks
A
B
C
D
E
F
G
H
I
J
K
L
M
N
O
P
Q
R
S
T
U
V
W
X
Y
Z