11 Julie 2010
Boeke, Kuns & Ontwerp
Mal oor metaal
Hierdie boek fokus op gekleurde handwerkmetaal – hoe dit versier kan word met bosseleerwerk, uitsnywerk, die byvoeg of wegneem van kleur, 3D-ontwerpe wat ingevul word en vele meer – en hoe jy daarmee unieke items vir jou tuiste kan skep.
Leer meer oor metaal en items waarop dit aangebring kan word, hoe om die nodige gereedskap te gebruik, en hoe om verskeie tegnieke toe te pas wat almal gebruik kan word om die meer as 50 dekoratiewe of funksionele items te skep. Die oorspronklike projekte is spesifiek ontwerp en geskep om die groot verskeidenheid tegnieke en toepassings te demonstreer, soos:
• Die oordra en natrek van ontwerpe
• Hoe om met eenvoudige handgereedskap tekstuur te skep
• Die gebruik van bosseleerapparaat soos die cuttlebug™ om tekstuur, patrone en uitsnywerk te skep
• Afrondingstegnieke soos skuurwerk, veroudering en verf
• Herwinning en hergebruik
• Wenke en raad om prosesse te vereenvoudig
Daar is projekte vir alle vaardigheidsvlakke, van beginners tot gesoute handwerkers, en maklike items wat blitsvinnig gemaak kan word tot meesterstukke wat langer sal neem om te voltooi. Manjifieke foto’s van die voltooide items sal jou inspireer en jy kan danksy die stap-vir-stap foto’s en aanwysings sommer dadelik aan die werk spring.
Die boek is ook in Engels beskikbaar as Mad about Metal.
Mal oor metaal / Lee Voster, Monica Fischer, Suzan Cumpsty — Metz Press, Julie 2016; 128 p. ; sagteband. — ISBN 9781928201755
Mal oor metaal,
Bettie Blom,
9 Oktober 2016.
Die boek bied mosaïekwerk aan as ’n kunsvorm waar lyn, kleur en tekstuur almal saamwerk om pragtige resultate te lewer.
Speel jy al ’n ruk lank met mosaïekwerk, maar voel jy moet dit nou op ’n hoër vlak beoefen? Of is jy ’n beginner wat soek na ’n uitdaging? Dan is hierdie boek net wat jy nodig het. Dit bied mosaïekwerk aan as ’n kunsvorm waar lyn, kleur en tekstuur almal saamwerk om pragtige resultate te lewer. Die treffende foto’s op elke bladsy is inspirerend en leersaam.
Die skrywer, wat oorspronklik ’n tekstielontwerper was, besef hoe belangrik die keuse van ’n ontwerp is wanneer jy ’n mosaïekprojek wil onderneem. Hierdie boek sal jou leer hoe om die regte ontwerp te kies en dit as ’n ontwerptekening weer te gee. Die tegniese inligting wat verskaf word, sal jou lei deur die proses om ’n ontwerp te kies, jou leer van die verskillende teëls wat beskikbaar is, oppervlakke waarop jy kan werk en watter vir bepaalde toestande gebruik moet word, die materiaal en gereedskap wat nodig is, sowel as die verskillende mosaïektegnieke wat vir die voltooiing van jou projek gebruik kan word. Daar is selfs voorstelle vir alternatiewe as benodigdhede in jou omgewing moeilik bekombaar is.
Die stap-vir-stap-projekte is pragtig en kan presies gevolg word, maar die skrywer moedig mosaïekwerkers aan om die projekte hul eie te maak deur met kleur en tekstuur te speel. Die projekte sluit groot en klein items in wat jy in jou huis of as geskenke kan gebruik, en gee alternatiewe voorstelle en idees ingeval jy ’n ander voorkoms of gevoel sou verkies.
Mosaiëkkuns behels soveel meer as die blote plasing van teëls langs mekaar, en met Doen mosaïek in die hand sal jy ontdek hoe geweldig bevredigend hierdie handwerkvorm kan wees.
Doen mosaïek
Doen mosaïek / Dorothy du Plessis — Metz Press, September 2015; 128 p. ; sagteband. — ISBN 9781928201526
Doen mosaïek,
Bettie Blom,
15 Mei 2016.
Dié boek bied jou alles wat jy nodig het om treffende kreatiewe rame vir jou hele huis te maak.
Hierdie boek is nie ’n selfdoengids oor tradisionele raamwerk nie – dit is propvol oorspronklike idees en wys jou hoe om ou rame te vernuwe, te herwin en te hergebruik en hoe om kaal rame te tooi sodat jy jou foto’s, prente en ander items op hul mooiste kan vertoon.
Die boek fokus op maklike en ongewone rame wat in en om die huis gebruik kan word, vir enigiets van miniatuurparfuumbottels tot ’n groot swartbord vir ’n kinderkamer. Dit bevat aanwysings vir baie basiese raamkonstruksie, asook hope inligting oor afwerkingstegnieke vir kaal rame en maniere om ou rame nuwe lewe te gee.
Die boek spoor jou aan om anders na rame te kyk en verder as hout en verstekhoeke te gaan. Leer om rame te maak met polistireenkroonlyste, polimeerklei, tydskrifblaaie, afvalstukkies leer, karton en watteersel, draad, lap, liniale, ’n ou fietsband en ander vondste en te versier met uiteenlopende materiaal soos gebruikte seesakkies en goudblad. Daar is ook rame wat funksioneel sowel as dekoratief is en kan dien as organiseerders vir enigiets van serpe tot notas en memos.
Rame by dosyne
Rame by dosyne / Fransie Snyman — Metz Press, April 2016; 128 p. ; sagteband. — ISBN 9781928201731
Rame by dosyne,
Bettie Blom,
8 Mei 2016.
Het jy geweet dat daar ten minste 1.5 miljoen miere vir elke persoon op aarde is? Of dat bokke en skape reghoeke pupille het? En dat olifante links- of regstandig kan wees?
Om van kleins af ’n voorliefde vir lees by ’n kind te kweek, hou vanselfsprekend voordele in. En watter beter manier om lees aan te moedig as met kort, happiegrootte, fassinerende en prettige feite. Hierdie boeke is vol eienaardige, dog interessante feite oor enigeiets en alles – diere, goggas, die liggaam, kos, die heelal, boeke en meer.
En dit is nie net vir kinders nie. Elkeen kan iets leer uit hierdie skatkis van kennis, of jy nou 5 of 50 jaar oud is. En met geen lang en uitgerekte verduidelikings nie, is dit vinnig en maklik om te lees – net reg om ’n paar minute ekstra tyd te vul of om ure se insiggewende pret te hê.
Beïndruk mense met jou wye kennis oor verskeie onderwerpe en inligting wat jy kan gebruik, of nie.
Propvol eienaardige, dog interessante feite oor enigeiets en alles – diere, goggas, die liggaam, kos, die heelal!
Vinnige feite
Vinnige feite / Helen Lewis — Metz Press, September 2015; 224 p. ; sagteband. — ISBN 9781928201540
Vinnige feite,
Bettie Blom,
6 Mei 2016.
Die projekte toon hoe verskeie watermediums op bekende dog onkonvensionele maniere gebruik kan word.
Hierdie boek neem jou verby die tradisionele voorkoms van ligte, sagte en bykans deurskynende waterverfwerk. Leer hoe om ryk, lewendige beelde te skep nie net met waterverf op papier nie, maar ook met ander mediums en materiaal. Jy behou die waterige gevoel, maar versterk en verbreed die moontlike tekstureringseffek.
Die projekte toon hoe verskeie watermediums op bekende dog onkonvensionele maniere gebruik kan word. Verf, ink, kleurpotlode en lapkleursel vorm die kleurkomponent, terwyl tekstuurmediums deel van die repertoire uitmaak. Heelwat projekte is op waterverfpapier, maar skilderdoek, karton en velyn of natrekpapier kom ook voor. Daar is baie eenvoudige gestruktureerde tegnieke wat stap-vir-stap gevolg kan word om ’n baie soortgelyke voorkoms te skep vir handwerkprojekte. Maar lesers word ook aangemoedig om met meer spontane en minder gekontroleerde tegnieke (ook stapsgewys geïllustreer) hulle eie skeppende weg te volg en avontuurlustig te wees, risiko’s te loop en met hulle gelukkige ‘ongelukke’ te werk.
Minder suksesvolle werk kan op baie verskillende maniere ingespan word en die boek bevat idees oor hoe sulke werk met nuwe kunswerk geïnkorporeer kan word. Water-(verf-)kuns is propvol wonderlike idees vir kunstenaars en handwerkers en selfs groentjies sal wil saamspeel en eksperimenteer.
Koop / Buy Water-(verf)-kuns >>
Water-(Verf)-Kuns
Gedigte van Evanthe Schurink | Roekeloos
2018-08-17 08:25:02