Google is tans besig om foto’s in Suid-Afrikaanse stede in te samel om op Google Street View te gebruik.
Gebruikers kan met Street View virtueel deur ‘n stad ry. Hierdie funksionaliteit is in meer as ‘n 100 stede wêreldwyd in gebruik. In Suid-Afrika gaan daar foto’s geneem word van dele van Johannesburg, Kaapstad, Durban, Pretoria en Port Elizabeth.
Google het gesê hy gaan in die komende weke omgewingsvriendelike Toyota Prius-motors begin gebruik om foto’s van dele van onder meer Johannesburg, Kaapstad, Durban, Pretoria en Port Elizabeth te neem.
Google Street View is ‘n komponent van Google Maps en Google Earth.