Weskus

Die Weskus-klong is die eerste een op sy dorp in 40 jaar wat universiteitstoelating kry. Die enigste universiteit waar hy kan toelating kry is Tukkies. Sy eerste aand in Pretoria drink die klong hom half besimpeld in ‘n studentekroeg. So halfpad deur die aand begin dit vir hom so lekker raak in Pretoria dat hy net daar besluit hy wil ‘n Blou Bul-ondersteuner word. Sy mede-studente deel hom mee dat om ‘n ware Blou Bul-ondersteuner te word moet jy drie goed doen. Eerstens moet jy drie dubbels mampoer wegslaan sonder om ‘n oog te knip. Wat die Weskus-klong toe lag-lag doen. Tweedens moet jy liefde maak met ‘n meisie van Pretoria en derdens moet jy letterlik ‘n bul by die horings pak, hom grond toe stoei en sy nek breek.
"Isj niks daai nie manne!" sê die klong en storm by die kroeg uit.
Later, net voor toemaaktyd, swaai die kroegdeur oop en daar staan Weskus-klong. Sy klere is geskeur, sy hare staan woes, knieë en arms is nerfaf. "Sjo!" sê hy "waar is daai Pretoria-girl wie se nek ek moet breek?"