Die afgelope maand was ‘n golf van opwinding en sukses vir die dinamiese duo, Schwabie en Henru, toe hulle hul eerste enkelsnit vrygestel het. Die liedjie, getiteld “Goeie Ou”, het in ‘n kort tydjie die harte van luisteraars regoor die land gesteel.

Binne slegs ‘n paar dae na die vrystelling het “Goeie Ou” ‘n indrukwekkende prestasie gelewer op Apple Music en Spotify. Die liedjie het vinnig opgeskiet na die Top 10 op Apple Music en is reeds meer as 83 000 keer ge-stream. Op Spotify het dit ‘n stewige 122 000 speelbeurte behaal, ‘n prestasie wat die aandag van musiekliefhebbers landwyd getrek het.

Goeie ou

Die sukses van Schwabie en Henru is nie net te danke aan hul onmiskenbare talent nie, maar ook aan hul onversetlike toewyding en passie vir die musiekbedryf.

Terwyl hulle hierdie opwindende reis voortsit, maak Schwabie en Henru gereed vir ‘n volgehoue PR-veldtog. Die doel is om hul positiewe boodskap verder uit te stuur en hul musiek met ‘n nog groter gehoor regoor die wêreld te deel.

Goeie Ou, die treffende enkelsnit van die duo, vertel van verskillende individue met wie hulle al te doen gehad het en hoe elkeen se storie bietjie verskil. “Tog bly elkeen ‘n goeie ou op sy eie manier, ten spyte van hul omstandighede of verlede. Dit is ‘n motiverende boodskap om ‘n goeie ou te wees op jou manier en waar jy jouself in die lewe bevind. Solank jy probeer, maak dit jou reeds ‘n goeie ou.” sê Schwabie en Henru. Dit is egter nie net die musiek wat hul harte “move” nie. Schwabie en Henru het besluit om hande te vat met die SPCA en ‘n deel van hul inkomste, uit hul maatskappy genaamd “Keppie”, te skenk aan hierdie ongelooflike organisasie. Hulle sal ook hul tyd aanwend om die SPCA te ondersteun in hul missie om diere te beskerm en te versorg.

Schwabie en Henru
Schwabie en Henru

Lewer kommentaar

Leave a Reply