Die Griekse Nasionale Opera Ballet gaan) vir die eerste keer in Suid-Afrika optree as deel van Dance Intersect 2025, wat hierdie Oktober in Kaapstad by die Artscape-teater plaasvind.
Die geselskap sal Les Nuits d’été aanbied, ‘n kontemporêre ballet deur die bekroonde choreograaf Konstantinos Rigos, getoonset op die tydlose musiek van die Franse komponis Hector Berlioz.
“Les Nuits d’été is ‘n werk wat ons laat terugdink aan al daardie nagte wat ons liefhet, verlief raak, droom, leef,” sê Konstantinos Rigos, die artistieke direkteur van die Griekse Nasionale Opera Ballet. “Dit spreek van die vloeibaarheid van verhoudings en die delikate wisselwerking tussen lig en donker – ‘n kaleidoskoop van emosies wat beide tydloos en kontemporêr voel.”
Vir Kaapstad se balletliefhebbers is dit ‘n seldsame geleentheid om een van Europa se mees gevierde geselskappe te aanskou.
Datums: 2 – 4 Oktober 2025
Plek: Artscape Teater, Kaapstad
Kaartjies: By Webtickets
