Toe ‘n man van Johannesburg Sondag gekaap is, het hy dadelik sy meisie ge-SMS. Lynn Peters het toe dadelik die nommerplaat getwiet en die publiek gevra om te help. Sy het genoem dat haar kêrel in die bagasieruim toegesluit is. Die twiet het by Pigspotter met sy 110 000 volgelinge uitgekom en daarvandaan het die soektog spoed opgetel. Met behulp van mense op Twitter en ‘n sekuriteitsmaatskappy is die motor gevind met kêrel en al.