Jannie Mouton: En toe fire hulle my

Jannie Mouton is een van Suid-Afrika se mees suksesvolle en kleurryke entrepreneurs.

Mouton is in die pad gesteek as besturende direkteur op die ouderdom van 48. Binne 15 jaar daarná bou hy ’n allemintige sakeryk op: PSG het belange in maatskappye met ’n markkapitalisasie van R61 miljard en is een van die top-40 maatskappye op die JSE.

Daar is baie wat sê hy is ’n bliksem wat nie nee vir ’n antwoord vat nie, maar hy lees en het ’n sagte hart vir die poësie. Oor ’n swartbemagtigingsopportunis sal hy nie sy woorde tel nie, maar hy kon dit nog net een maal in sy loopbaan oor sy hart kry om self ’n kollega te vra om te loop.

Wie is die man agter PSG en hoekom het hy finansiële dienste kleintjies in die landbou- en selfs onderwysbedrywe laat kry? Hoe het Capitec se fenomenale sukses beslag gekry, wat moet ’n mens van die Pioneer Foods-kartelsage maak en hoekom vee hy hom af aan die woede van baie in die wynbedryf oor sy KWV-planne?

Het Mouton die “vermoë om markte te voorspel” soos wat Finweek suggereer?

Die Stellenbosse sakereus Jannie Mouton speel oop kaarte en deel die sake- en beleggingslesse wat hy geleer het.

Jannie Mouton: En toe fire hulle my
Jannie Mouton: En toe fire hulle my
Skrywer: Carié Maas
ISBN: 9780624049319
Prys: ongeveer R 195.00
Formaat: Sagteband, 260pp

Koop / Buy Jannie Mouton: En toe fire hulle my >>

(Stuur enige resensies of bydraes na bydraes by roekeloos.co.za)

Lewer kommentaar

Lewer kommentaar