Kieslys

Close


*/

17 Februarie
2009
Gedigte
2448 keer gelees
(*slegs web-weergawe)

Gedigte van Ben de Klerk

Indeks van digters

Stuur jou gedigte na bydraes by roekeloos.co.za

Taal

Staan hier by die baken in tyd
Tuur die toekoms in, ‘n dowwe beeld
Loer terug die verlede heen, ‘n kras, duidelike afetsing
Era spannend gelaai met misleiding.

Harte, lewens geraak op vele vlakke
Weet ons die omvang van dade
Geskoei op wan verstaan van die Woord?

Vir volk en vaderland
Veg ons seuns ‘n leun opgedis
Deur maghebbers met vet pense
Dik sigare en glase vol brandewyn en coke
Hoe eenvoudig tog!

My taal, die voorbok, sondebok
Gebesig deur bedinkers van die wet
Wet so onregverdig, ongegrond
My taal die draer van teënspoed.

Afrikaans, my taal van liefde
Passie, haat
Opwinding en hartseer
Afrikaans, nog ‘n pilaar in my bestaan.

Lees hom, luister na haar
Poësie direk, diep uit die siel
Musiek so soet en volbring
Spontaan uit volkskitaar.

Nou kom die volgende generasie regeerders
Spul parlement besetters
Jul beskuldig my taal van onderdrukking
Wat ‘n bedrogspul!

Onderdruk eerder die verlede
Los die hede
Laat groei die toekoms
My taal sal bly bestaan, floreer.

Drie

Skepper, meester van fyn wetenskap
Vormer van tasbare werklikheid
Onder my voetsole, binne my handpalms
Maar teenaan my lewendige liggaam
Sy lê smeulend, vol van liefde vir my
My Eva, U beste werk.

Vader, versorger, gewer
Uit U hand soveel bronne
Vir ons genot, gebruik, verbruik
Beskermer teen die donker van die dag.

Verlosser, genade onbeskryflik groot
So het ons gesing op skool, in CSV
Omdat juffrou so gesê het.

Bloed spat wreed, sonder skynbare einde
Bloed vloei uit U onregverdige wonde
Kan ek dit waag om dit eens te bedink:
Vir my geheul met Satan se sluwe magte.

Vuur wat nou brand
In my hart, hopelik sigbaar in my oë
Sedert U vertrek na die Vader.

Onverstaanbare liefde, verbond gesluit
Met my ook
Genade wat ek nie verdien
Maar gretig na gryp, selfs vergryp.

Verhard

Grimering so vals en aangeplak
Moerse klomp verf en sement
Fyntjies aangewend aan die buitekant
Van myself.

O nee, julle sal nie die binnekant sien nie
Behendig vloei die mooi kleur verf, sê maar rooi
Oor ‘n gladde selfs vatbare gepleisterde muur
Die muur wat ‘n flenters, uitgetoringde hart kamofleer.

Ongenaakbaar het ek skielik gedraai, ‘n hart van klip
Dit wens ek myself toe – ‘n opregte hoop
Neuk weg van my af, voertsek die ruigdes in
Vir liefde sal ek die geverfde muur onderhou
Dit bewaar terwyl my binnekant verrot
Ter wille van ewige trou gesweer.

Troos sal ek vind daar waar emosie gevrek het:
Arbei sonder ophou, myself breek op die oefenpad
Enige poging tot herlewing verdrink
Duur kots die vloer vol – ten minste ‘n geen pyn moment.

Almal weet dis nie ek
Nou wil ek so word, ‘n skild teen verdriet
Maar, asseblief, moet my nie laat glip
Verlos my – as jy wil!

Beroof

Neem jou saai bestaan, slaan die stofpad
Verstik halfpad, kyk om en sien die grinnik
Wrede vlamme vanuit daai einste oë
Vlamme wat julle daar gestook het.

Soos ‘n donderslag wat neer bliksem
Tref my vol in die middel van my bestaan
Versteur ‘n wonderlike gevoel vol vrede
Choas verwilder harmonie eens so volmaak.

Jul patetiese eng bestaan grief my siel
Jul ontneem my ‘n ontvlugting aan my geskenk
Jul breek, verniel wat jul nie kon kry
Jul meng in waar niemand hoort!

Die wortel na die stroompie wat groei verskaf
Kry swaar, is dors, voel skielik afgekap, afgestomp
Iemand trap die lewensaar af
Gegrond op onwaarhede, begriploosheid.

Tien vingers waarvan een, nee twee, geld
Versmoor tog in die trane wat rol oor my binnekant
Dis laaste smart uit my hoek, vreugde oorwin
Nou is ek voltooi in stewige groei.

Die glinster bly vonkel rondom my
Niemand beroof my van wat reg geskied.

Verstaan

Jy’s die ene met wie ek dit wil deel
Jy’s die ene wat langs my hoort
Jy’s die ene wat ek liefhet.

Luister dan tog na my!
Deel my ontvlugting
Sien dieper, al dieper
Daar waar ek regtig bestaan.

Iemand daar buite sien dieper
Maak tyd vir my vrye vlug
Die reis sonder grense en perke
Aangedryf deur gedagtes, edel denke
Gestalte gegee deur woorde in harmonie.

Dankie, mens, dankie dat jy verstaan.
So ontvanklik, eerlik, sonder verwyt
Verstaan wat ek koester by my haard
My lief, pas my op.

Wanneer die maan die donker streel
Dan wanneer ons liefkoos, warm lakens
Asseblief, gly af, verlos van enge dag
Plons in my dieper kant, moenie spartel.

Jy’s my eerste, enigste, soos dit hoort
Verstaan my dan ook soos iemand anders.

Vulkaan

Ek wil graag oortree
Ek weet ek mag nie
Ek wil graag by jou wees
Ek weet dis oneties, selfs taboe.

Vulkaan wag ongeduldig vir sy opdrag
Hy het geen keuse, dis sy plig
Ons het ‘n opsie, ingebore teen natuur
Die keuse gelaai met ware geluk
Geluk volop beskikbaar by jou eie vesting
Daar waar jy een is met jou lewensmaat.

Skrikkerig erken ek dit aan myself:
Daar bestaan hierdie broeiende,
Afwagtende, vuurspuwende vulkaan
Deurtrek deur my wese, hart, hele bestaan.

Jy het intrek geneem
My gedagtegang oorgeneem
Jy hoort nie hier
Maar ek wil jou so graag koester.

Vulkaan skiet oop, ruk oop my sintuie gerig op jou
My hart klop gevaarlik, hartstogtelik, warm
Passievol vir jou, onwettig, maar so bevredigend
Die hunkering, verlange is so kragtig, vuurwarm
Ons liefdes wag, hulle wag sonder verwyt
Maar ek klou aan wat ek gevoel het – nee, voel.

Klein Karoo

Hoe kan ek my hand aan papier waag?
Ek ken jou skaars, net een dag se gejaag
Ons het jou opgewonde binne getrippel
Selfs gestaar en skelmpies geflirt.

Hoe dan anders, dis presies wat jy doen!
Omring deur asemrowende bergreekse
Bedek met groen bossieveld, ryk grond, genoeg water
So lok jy my na jou binnekamer.

Jy terg my, wys my, laat my voel
Opgewonde, bewend, vol adrenalien
Reik uit, raak, maar voel niks
Nee, nie vandag, dalk more.

Oppad terug na my liefde wonder ek oor jou
Trek ek planne op, maak ek somme
Wil jou graag betree, weer en weer
Jy’t my hart gesteel, vasgele, bekoor
So asof jy my hunkering verstaan
Sien jou binnekort, moet my nie ontwyk.



Gee jou mening







Gereeld gelees

11 Julie 2010
Gedigte
Verklarende Afrikaanse Woordeboek
Die Verklarende Afrikaanse Woordeboek (waarvan die eerste uitgawe reeds 70 jaar gelede verskyn het) is die handwoordeboek waarin die grootste versameling trefwoorde in Afrikaans verklaar word.
08 November 2012
Gedigte
Kort grappe
Jou ma is so kort, mens ...
27 November 2010
Gedigte
Die mooiste Afrikaanse liefdesgedigte
Die vierde, uitgebreide uitgawe van Die Mooiste Afrikaanse Liefdesgedigte is nou chronologies georden, sodat lesers kan sien hoe die Afrikaanse liefdesgedig oor die afgelope eeu ontwikkel het.
07 Januarie 2009
Gedigte
Gedigte van Anell de Beer
Wat 'n groot voorreg om deel te kan wees, en immers ek is bevrees. Ons is almal oud genoeg, om in die more te wroeg.
24 Mei 2012
Gedigte
Kort grappies
Wat is die verskil tussen ’n voël en 'n vlieg?

Onlangse kommentaar

Janet
2019-01-18 17:21:05
wat beteken kleingeestig...
H L Wehr
2019-01-17 22:25:02
Definisie en betekenis die verskil...
Robert
2019-01-10 18:20:15
Kan Annarine Erasmus my groot asb kontak deur my te epos na robert.conradie91@gmail.com Dis in verb...

Advertensie

Hou jy van ons hulpbronne? Oorweeg asseblief 'n donasie in Bitcoin: 179nZqSyFmYPcvu4ZU733PgXBKUYXcy9DD