Herfsdag

Lieflike herfsdag vandag

’n ligte wind,

die voëlsang se prag.

Corona-stilte daar buite

maar tog so opvallend

duidelik die geluide.

Die natuur gaan sy gang

die diereryk,

is glad nie bang

Die mens,

is vasgevang en

vrees die Corona slang.

Die stilte weergalm

in my kop.

Laat my uitreik

na my dubbeldop.

Voel soveel beter

as die alkohol my skop.

In my waansin

soek ek na ’n skyf

Dop my sakke om

vir meer nikotien in my lyf

Die smokkelaar se selnommer

is 1011305.

My frustrasie

bly daagliks verhoog

Die stof in my huis

vang telkens my oog.

Ek word al akkurater

met my pyl en boog.

My drange

is voldoende bevredig

Die nabyheid en samesyn,

die lang aande so ledig …

Ek is besig om in te haal,

ek was so dikwels afwesig …

My koerant

lê eenkant op ’n hoop

Het dit probeer lees

maar vind net geen hoop

My kop voel leeg,

van alle gedagtes gestroop.

Dis nou eers dag drie,

en ek is reeds sonder nikotien

My dubbeldop

is ook reeds op.

Ek het glad nie meer lus nie

nie eers vir ’n kus nie.

Ek bou nou maar legkaart

en groei ’n verslonsde baard.

Dis ’n lieflike herfsdag vandag

Hoe lank moet ek nog wag?

Kantel

Regs kantel die vliegtuig as hy rigting kry noord

Na tuistes van mense soos dit mos maar hoort

En as jy hul denke geheimsinnig kon infiltreer

Sit elkeen maar êrens met ’n toegeplakte seer.

Wat gaan ek doen, wat ek gaan ek maak?

Maak dit werklik aan iemand anders saak?

Of is dit maar net ek en my gemakstoel ‘alleen’…

My beurt vir die suig aan die ongewilde agterspeen?

Maar kantel kantel selfs die mees volmaakte lewe

En al lyk dit of die vliegtuig rustig die lug deur swewe

Is daar windstrome en dreigende onweerswolke

op elke liewe reis … onverstaanbare tolke …

Indeks van digters

(Stuur jou gedigte na bydraes by roekeloos.co.za) Digters is ook welkom om een foto te stuur vir publisering.

Lewer kommentaar

Leave a Reply