So ‘n paar grappies

Hoe verhoed jy dat ’n haan jou wakker kraai op ’n Sondag?
Maak hoenderbredie die Saterdagaand.

♦♦♦

“Jammer, ou seun,” deel die skatryk man sy seun mee, “ek het môre die limousine en die chauffeur nodig vir werk.”
“Maar paaaa,” kerm die laaitie, “hoe gaan ek by die skool kom?”
“Soos enige normale kind my seun, Uber.”

♦♦♦

Dis die middel van die somer, Sondagmiddag. Jannie se pa het mense genooi vir ete. Mens kan nie anders as om te sweet of om te dink aan lê nie.
Toe dit tyd is om aan tafel te gaan sit word Jannie deur sy pa beveel om die tafelgebed te doen.
“Maar wat sê ek?” wil Jannie vies weet.
“Wat dink jy sou ek sê!” antwoord sy pa.
Jannie buig toe sy hoof dramaties, soos sy pa altyd doen en in ’n diep stem sê hy: “Liewe Heer, wat in hemelsnaam het ons besiel om hierdie mense te nooi op so ’n warm dag!”

♦♦♦

Sannie: “Wat teken jy?”
Jannie: “’n Prentjie van God!”
Sannie: “Niemand weet hoe God lyk nie!”
Jannie: “Hulle gaan nou weet!”

Lewer kommentaar

Lewer kommentaar