Laurika & La Diva

Besoekers aan vanjaar se Gariepfees gaan die geleentheid kry om die weergalose Laurika Rauch op die verhoog te sien saam met die mooi meisies van La Diva.

Laurika het die plaaslike musiekmark in die laat sewentigerjare betree met haar eerste treffer, “Kinders van die Wind”. Sowat 20 albums en meer as dertig jaar later, bly haar werk veerkragtig en vernuwend. Sy word by die fees begelei deur haar briljante pianis, Clinton Waring. Afgesien van die baie treffers wat sy sal sing, sal daar ook ‘n heerlike verrassing van nuwe liedjies in die program wees. Laurika spog met verskeie goue, platinum en multiplatinum albums en is veral bekend vir haar verhoog-optredes waar sy voel sy ten beste tot haar reg kom as kunstenaar. Sy is lief vir die wisselwerking van energie tussen gehoor en kunstenaar en elke vertoning word vir haar ‘n gesprek.

Saam met haar tree die groep La Diva op. Laurika het die eerste keer verlede jaar saam met hoofsanger en liedjieskrywer Nelmarie Naudé, pianis en liedjieskrywer Karmi Marais en Marlé Jacobsz (op tromme en perkussie en agtergrond sang) gewerk toe sy hulle gekies het as een van die nuwe kunstenaars vir die Centurionteaterproduksie Laurika en Nuwe Vriende. La Diva is een van die mees opwindende nuwe musiekgroepe in ons musieklandskap. Hulle maak oorspronklike musiek, wat ‘n gesofistikeerde mengsel van volwasse kontemporêre popmusiek en ‘n dosis
jazz is.

NG Kerk Bakenskop: 5 Sept om 21:00 (SG) R120

Gariepfees 2009 / Gariep Kunstefees 2009

Lewer kommentaar

Lewer kommentaar