Na die onlangse aankondiging van die wêreldtoer, is aanhangers regoor die wêreld, insluitend Suid-Afrika, verheug oor die koms van die driemalige GRAMMY®-bekroonde R&B- en neo-soul-sangeres en liedjieskrywer Jill Scott.
Sy gaan by Pretoria se SunBet Arena en Kaapstad se GrandWest optree tydens haar To Whom This May Concern World 2026-toer, ter ondersteuning van haar album met dieselfde naam – Scott se sesde album.
Die Suid-Afrikaanse konserte sal plaasvind op Saterdag 7 November 2026 by die SunBet Arena, Time Square in Pretoria en op Woensdag 11 November 2026 by die Grand Arena, GrandWest in Kaapstad. Beide konserte begin om 20:00.
