Kieslys

Close


*/

12 Maart
2009
Teater
305 keer gelees
(*slegs web-weergawe)

Die Naaimasjien

Stuur jou resensies na bydraes by roekeloos.co.za

Die Nagtegaal-teksprys het deur die jare so gegroei dat dit nou, wat betref die aantal inskrywings, die grootste teksprys is in Suid-Afrika. In 2008 is ’n rekordgetal van 65 nuwe Afrikaanse tekste vir die kompetisie ingeskryf en hieruit is 5 finaliste gekies. Ná strawwe kompetisie het veteraanskrywer Rachelle
Greeff die eerste plek behaal met haar eerste toneelteks, Die Naaimasjien.

Hierdie eenvrouvertoning lei ons met deernis, humor en wysheid deur die lewe van die 81-jarige Magdaleen, op die dag waarop haar geliefde naaimasjien verkoop word. In haar ouetehuiskamer maak Magdaleen seker Miss Muffet, soos sy haar Bernina noem, is skoon genoeg en al die ekstra gare, naalde en voetjies is netjies gepak vir die vrou wat die masjien kom haal. En so tussen die skoonmakery en pakkery dink sy terug aan vervloë dae: dae van kouse met nate, melk wat in glasbottels afgelewer word, ’n kinderlewe op die plaas.
Vervleg hiermee herroep sy die wel en wee van haar gesin: haar man, Tielman, en haar vier kinders, insluitend Wim, haar oogappel. En weer eens word ons herinner elke mens se lewe, ongeag hoe eenvoudig of ordinêr, is ’n epiese gedig met universele temas van geluk, verlies en versoening.

Ná uitgebreide oudisies vir die regte aktrise was daar net een keuse: Sandra Prinsloo. Met haar ervaring en talent skuif Sandra diep onder Magdaleen se vel in. Sy is een van die meeste bekende en konstante aktrises wat Suid-Afrika nog gesien het. Van die werk van Shakespeare tot by dié van Athol Fugard en Deon Opperman – daar is nie ’n gesogte vrouerol wat sy nog nie gespeel het nie, en sy is ewe tuis in die teater as op televisie en die grootskerm. Sandra se laaste solo-optrede was in Jeanne Goosen se Koffer in die Kas, wat nou nog beskou word as ’n hoogtepunt in die Afrikaanse teater. Sandra Prinsloo is ook ’n regisseur.

Die regie is die werk van Hennie van Greunen wat verantwoordelik was vir van die mees populêre/bekroonde werk wat oor die afgelope dekade in Afrikaans gedoen is. Produksies wat mense aan die praat gehad het, was o.a. Lyf, Die Tafel, Die Vrou wat Haar Man Gekook het, Die Hangkas Haas, Festen en die veelbekroonde Shirley Valentyn.

Sandra Prinsloo

Sandra Prinsloo

Die Naaimasjien het by die Suidoosterfees in Kaapstad geopen en nou ná die Woordfees in Stellenbosch gaan dit na die KKNK voor dit landwyd toer.




1 Opinie:

Gee jou mening







Gereeld gelees

11 Julie 2010
Teater
Verklarende Afrikaanse Woordeboek
Die Verklarende Afrikaanse Woordeboek (waarvan die eerste uitgawe reeds 70 jaar gelede verskyn het) is die handwoordeboek waarin die grootste versameling trefwoorde in Afrikaans verklaar word.
27 November 2010
Teater
Die mooiste Afrikaanse liefdesgedigte
Die vierde, uitgebreide uitgawe van Die Mooiste Afrikaanse Liefdesgedigte is nou chronologies georden, sodat lesers kan sien hoe die Afrikaanse liefdesgedig oor die afgelope eeu ontwikkel het.
08 November 2012
Teater
Kort grappe
Jou ma is so kort, mens ...
15 November 2005
Teater
Spreekwoorde en waar hulle vandaan kom
Op elke nuwe blaadjie wat omgeslaan word, is daar vir nuuskierige agies interessante brokkies en stories oor hoe van Afrikaans se bekendste en minder bekende uitdrukkings ontstaan het.
24 Mei 2012
Teater
Kort grappies
Wat is die verskil tussen ’n voël en 'n vlieg?

Onlangse kommentaar

Gedigte van Heleen Malherbe | Roekeloos
2017-03-25 08:44:07
[…] Digters […]...
Barend Buitekamer
2017-03-23 13:28:07
Dankie Roekeloos vir die plasing. Dankie Alida vir die kommentaar....
Alida Marais
2017-03-23 13:08:56
Jou werk is herkoubaar!! Ek is so dankbaar almal kan jou nou LEES!!! Jy verdien om hier te wees....

Advertensie