Daar was ‘n 2% toename in die hoeveelheid reisigers wat in Desember in en uit Suid-Afrika beweeg het, in vergelyking met dieselfde tydperk verlede jaar, het die departement van binnelandse sake Dinsdag gesê.
Die departement het 3,7 miljoen besoekers op sy rekenaarstelsel in Desember aangeteken, het minister Nkosazana Dlamini-Zuma in ‘n verklaring gesê.
Uit hierdie getal was 2,5 miljoen buitelanders en 1,2 miljoen was plaaslike inwoners. Dit sluit in beide mense wat in en uit die land beweeg het.
Die meeste besoekers het uit Suider-Afrikaanse ontwikkelingsgemeenskap-lande gekom, maar daar was ook ‘n bestendige invloei uit Brittanje, die VSA en Duitsland.