Verbeel jou dis somer

Abraham H. de Vries se nuwe bundel sluit aan by sy ernstiger werk, byvoorbeeld Nag van die Clown en Tot verhaal kom.

Hier is De Vries se hooftemas weer die onbegrypbaarheid van dinge en die weemoed van menswees – en dis daardie gevoel van weemoed wat die leser bybly na die lees van hierdie verhale.

Die verhale gaan oor gewone mense en is eg menslik, soos die sensitiewe beeld van die ou straatskoonmaker wat sy werk verloor in “Ode aan ’n ou man wie se strate oor hom treur”.

In ’n verhaal soos “Winternag”is dit die subtiele uitbeelding van emosionele geweld in ’n verhouding; in “Storm” gaan dit oor tot eksterne geweld. Geweld word in die bundel ’n metafoor vir morele verval, ’n spieëlbeeld van die aftakeling van die mens vanweë die geestelike aanslag in watter vorm ookal.

Verbeel jou dis somer is ‘n bundel verhale wat onthutsend én liries is.

Verbeel jou dis somer
Verbeel jou dis somer

12 Oktober 2009

(Stuur jou resensies na bydraes by roekeloos.co.za)

Lewer kommentaar

Lewer kommentaar