Fynbosfeetjies


Met Fynbosfeetjies bring Antjie Krog en Fiona Moodie, wat albei gereeld op die hange van Tafelberg gaan stap, hulde aan een van die natuurwonders van die wêreld.

Dit is omrede sy fynbos – die smalblaar-, struikagtige plantegroei van die streek – dat die suidwestelike en suid-Kaap benoem is as een van die wêreld se ses planteryke: die Kaapse Blommeryk. Met ’n opervlakte van minder as 90 000 vierkante kilometer is dit die kleinste planteryk ter wêreld. Tog is dit die tuiste van 8 600 plantspesies, waarvan 5 000 nêrens elders voorkom nie.

Fynbos is ’n vermenging van vier plantsoorte: protea-struike, heideagtige erikas, rietagtige restio’s en ’n verskeidenheid bolplante. In die Kaapse Blommeryk groei 69 van die wêreld se 112 proteas, 526 van sy 740 erikas en onder sy bolplante word 96 van die wêreld se 160 gladiolusspesies aangetref. Op sy eie spog Tafeberg met byna 1 500 fynbosspesies.

Antjie, geïnspireer deur Cicely Mary Barker se A World of Flower Fairies, het die bal aan die rol gesit deur verse te skryf oor verskillende blomplante wat deur minstens een denkbeeldige wesentjie bewoon word.

Fiona het elke plant, insek en gediertetjie wat in hierdie boek afgebeeld is, nagevors. Die feetjies en ander droomwesentjies is haar eie skepings, maar die blomme, gogas en diertjies het sy by die natuur afgekyk en noukeurig nageteken.

Fynbosfeetjies
Fynbosfeetjies
Die boek is ook in Engels beskikbaar as Fynbos Fairies.

Fynbosfeetjies / Antjie Krog en Fiona Moodie — Umuzi, Februarie 2016; 32 p. ; sagteband. — ISBN 9781415209028

Fynbosfeetjies,
Bettie Blom,
29 Mei 2016.

2

Lewer kommentaar

Lewer kommentaar