Kattewales

Waarvan droom jy, my lieflingkat,

as jy so lekker slaap:

Droom jy dalk van katmaters en die

voëltjie, akkedis of muis wat jy gaan vang

en is ek, jou mens, deel van jou droom?

En wat dink haar hoogheid as sy met

haar pragtige saffier-oë in myne staar:

Wonder die uwe ook, nes ek,

wie behoor nou eintlik aan wie?

En wat maak my katerkat snags

wanneer jou mens slaap:

Gaan kuier jy vir jou katvrinne en

is hul kos dalk lekkerder as jou

wetenskaplik geformuleerde eetprogram?

Maar klokslag,

ná die nag se kattewales is my

troetelkat op haar katelpos,

knus opgekrul neffens my.

Sê my, my lieflingkat:

‘Wat is die geheim van jou wondersoete slaap?’

Indeks van digters

(Stuur jou gedigte na bydraes by roekeloos.co.za) Digters is ook welkom om een foto te stuur vir publisering.

Lewer kommentaar

Lewer kommentaar