Cultivaria Heinz Emporium

Die Heinz Emporium gaan ‘n bynes van bedrywighede sowel as die beste plek om asem te skep tydens vanjaar se Cultivaria kunsfees. Die Heinz Emporium is die ideale stop vir verversings, lewendige vermaak en ‘n blaaskans van die stampvol feeskalender.

Vyf top plaaslike wynprodusente bied hulle wyne te koop aan, terwyl ‘n wye verskeidenheid versnaperinge en maaltye verskaf sal word. Smulpape sal hulle verlustig in die keuse wat wissel van seekos soos sushi en oesters, tot pizzas, schwarmas, toebroodjies, hoendersosaties, regte braaivleis, roerbraaidisse en hamburgers. Selfs soettande kan uitsien na ‘n bederf met pannekoek, vars aarbeie, nougat en fudge. Feesgangers kan ook hulle dors les by die cocktail kroeg of die verskeidenheid bier, vars vrugtesappe, koffie, smoothies, likeurs en Liqui-Fruit geniet.

Vir musiekvermaak is daar ‘n fantastiese skedule om jou voete te laat jeuk. Moenie vir Robbie Wessels en sy orkes, Jakkie Louw en Kevin Leo, die immergroen treffers van die ongelooflike McCully’s Workshop en vele ander kunstenaars misloop nie.

Ingang is GRATIS met enige vertoningkaartjie *, vir die dag van die vertoning, alternatiewelik is dit R40 p.p.p.d.

Cultivaria 2009

* Bovril Black Tie, Heinz Rooi Rose Ontbyt, Ommietafel met stories, Chas Everitt Toere, Persia to Paarl en Kos vir n Skrywer uitgesluit.

Lewer kommentaar

Lewer kommentaar