Toyota se Land Cruiser Prado is nie om dowe neute so gewild nie. Die bekwame middelslag-sportnutsvoertuig spog met passasiersmotorgerief, maar dit maak geen inbreuk aan die Prado se bewese duursaamheid en weergalose vermoë in veldrytoestande nie – albei eienskappe kenmerkend vir die Land Cruiser-handelsmerk. Die Prado-platform is ontwikkel vir die allerbeste hantering- en stabiliteitseienskappe op en van die pad af.