Josephine Baker was ’n ikoon in die ware sin van die woord.

Sy is in uiterste armoede gebore in St. Louis, Amerika in 1906 en moes reeds op ag begin werk. In die ouderdom van 19 jaar, na twee huwelike, verruil sy Frankryk vir Amerika. Vir die swart kelnerin en danser was Parys ’n plek waar sy kon vry wees. Dit is ook hier waar sy roem verwerf as cabaret kunstenaar.

Binne 10 jaar is sy een van die hoogs betaalde kunstenaars in Europa. Onder haar vriende tel Pablo Picasso en Ernest Hemmingway en op een stadium het sy ’n verhouding met Frida Kahlo.

Met die Tweede Wêreldoorlog staak sy haar vermaaklikheidsloopbaan toe die Duitsers Parys beset.Sy word ’n spioen vir die Franse weerstandsbeweging, eers in Frankryk en later in Noord-Afrika. In 1943 word sy amptelik lid van die Franse Lugmag met die rang van tweede-luitenant. Sy word ook later erken en vereer as een van Frankryk se helde van die oorlog.

Na die oorlog sit syhaar loopbaan voort as kunstenaar. Sy raak ook aktief betrokke in veldtogte teen rassisme en maak 11 aangenome kinders groot. Met haar dood in 1975 is sy met volle militêre eerbewyster ruste gelê.

Lewer kommentaar

Lewer kommentaar