kykNet soek aanbieders

kykNET & Kie is op soek na twee splinternuwe, vuurwarm aanbieders en bied aan sy kykers die geleentheid om roem te verwerf!

Afrikaanssprekende mans en vroue van alle rasse tussen die ouderdom van 22 en 28 – wat skerp, welsprekend en vol selfvertroue is – word genooi om in te skryf.

‘n Aspirant-kandidaat moet ‘n pakkie voorberei met ‘n vollengte foto en ‘n video wat wys wat in hom/haar steek, sowel as ‘n motivering oor waarom hy/sy kykNET & Kie se nuwe superster-aanbieder moet wees.

Die kompetisie sluit op 15 Februarie, die finaliste sal op die webwerf aangekondig word en oudisies vind op 20 Februarie in Johannesburg plaas. Wenners word in Maart opgeneem om 1 April op die lug te gaan.

Inskrywings word gedoen via WeTransfer. Vir meer inligting oor hoe om in te skryf, gaan na die aanbiedersoektogknoppie op kyknet.dstv.com.

Lewer kommentaar

Lewer kommentaar