Laerskool Noord se leuse is KYK NOORD EN STOOT VOORT, maar in hierdie lekker lag produksie is dit alles behalwe die geval.
Drie onderwyseresse beplan ‘n verrassingsafskeidspartytjie vir hul skoolhoof se aftrede. Tussendeur die netbal-juffrou, Zelda de Wet, se vreeslose fluitjie, Bets du Preez se dramatiese deurmekaar administrasie en kaftans en sorglose Marietjie wat probeer om die wit vlaggie van vrede te laat wapper en seëvier, met haar glitter stickertjies en sticky notes, is hierdie personeelkamer ‘n tikkende tydbom. En boonop gaan Meneer enige oomblik aankondig wie by hom oorneem as die nuwe hoof van Laerskool Noord. Kan dit een van hulle wees?
Laerskool Noord is ‘n komiese kykie na wat werklik agter die swartbord gebeur. Skrywer, Ilne Fourie, bekend vir haar RSG-radiodramas, kleur met haar tong-in-die-kies humor en pittige waarnemingsvermoë hierdie karakters so in dat iedereen van ons sonder twyfel een van ons oud-onderwyseresse sal herken.
Gideon Lombard, bekroonde akteur en regisseur, hou almal se varkies, en in Meneer se geval, poedels op hok.
Die produksie word geskep in samewerking met Vrystaat Kunstefees en Aardklop en NATi.
Met Marion Holm, Margit Meyer-Rödenbeck, Ilne Fourie, Neels Coetzee
Regie: Gideon Lombard Teks: Ilne Fourie
(Ouderdomsbeperking van 13)
Die Toer
19 JAN Hoërskool Swellendam- 082 731 4733
21 JAN The Drama Factory- Somerset-Wes- https://www.thedramafactory.co.za/
22 JAN Middagvertoning – Die Boer teater restaurant- Durbanville- bespreek- 021 979 1911/ www.dieboer.com
15-19 FEB ATTERBURY TEATER- Pretoria
15-18 Feb om 19:00 en Sondag 19 Feb om 15:00
Vrydag 17 Feb oggendvertoning om 10:00 met verlaagde toegang
Bespreek: https://www.seatme.co.za/
21 FEB Gardenworld- Muldersdrift- Moet nog finaliseer
22 FEB KLERKSDORP- Hoerskool Wesvalia- TharseoTheatro- Bespreek: +27 18 468 1023/4
23 FEB BLOEMFONTEIN- Moet nog finaliseer
24 FEB JACOBSDAL- moet nog finaliseer
25 FEB KIMBERLEY- Laerskool Newton- Bespreek 083 276 4878 / iTicket