Kieslys

Close


*/

26 Julie
2007
Teater
1389 keer gelees
(*slegs web-weergawe)

Meer as tweeduisend leerders op Kunstekaap verhoog

Meer as tweeduisend leerders vanoor die Wes-Kaap is ‘n unieke kans gegun om tydens die Kunstekaap Skolekunstefees in ‘n professionele teateromgewing op te tree.

Vanjaar het meer as 80 skole vanoor die hele provinsie gratis deelgeneem aan die twee en ‘n half-week-lange fees wat sy hoogtepunt bereik op 30 Augustus met ‘n gala bereik waar die 15 beste skole genooi is om op te tree.

Kunstekaap is die enigste staatsgesubsidieerde uitvoerende kunste-instelling in die land wat ‘n provinsiale skolekunstefees aanbied.

Oor die afgelope sewe jaar het die gebeurtenis in so ‘n mate gegroei dat dit vandag die grootste jaarlikse ontwikkelingsprojek van Kunstekaap is. Vanjaar se fees word in samewerking met Die Burger – Jip aangebied.

“Hierdie is ‘n opvoedkundige kunste-toonvenster vir leerders van alle ouderdomme om hulle uiteenlopende talente in verskillende genres soos klassieke ballet, kooropvoerings, orkes-ensembles, eietydse dans, hip hop, kwaito en Afrika-musiek te toon.

“Hoewel die fees nie ‘n kompetisie is nie, gee galakonsert erkenning aan uitvoerende kunste uitmuntendheid van die voorste 15 skole,” sê Marlene le Roux, direkteur van Kunstekaap se Gehore-ontwikkeling en Kunstedepartement.

“Die fees bied aan opvoeders en leerders ‘n gulde geleentheid om op ‘n professionele verhoog op te tree en die agter-die-skerms werking van ‘n professionele teater te ervaar. Dit help om belangstelling te kweek en leerders aan die menigte geleenthede in die uitvoerende kunste bloot te stel,” sê Kunstekaap bestuurshoof Michael Maas.

Hoewel die meeste van die skole in Kaapse metropool gesetel is, het skole van so ver as Beaufort West in die noorde, George in die Suid-Kaap, Bredasdorp in die Overberg, Worcester in die Breederiviervallei, en verskeie skole uit die Boland gekom. Vanjaar het twee skole vir gestremde leerders vir die eerste keer aan die fees deelgeneem.

HCI (waarby Golden Arrow-Stigting ingelyf) en Metrorail het metropolitaanse skole met vervoer gehelp. Kunstekaap oorweeg dit om landelike skole wat na die galakonsert genooi word met reiskostes by te staan.

Die skole wat vir die galakonsert gekies is, word op 27 Augustus aangekondig.

As deel van die opbou tot die 2010 Fifa Sokker Wêreldbeker, sal die Doel vir Almal-plakkaat en poësie Skolekompetisie amptelik deur LUR Whitey Jacobs by die galakonsert bekend gestel word. Die kompetisie streef om die belang van dissipline, respek, spangees en regverdigheid aan te moedig.



Gee jou mening







Gereeld gelees

11 Julie 2010
Teater
Verklarende Afrikaanse Woordeboek
Die Verklarende Afrikaanse Woordeboek (waarvan die eerste uitgawe reeds 70 jaar gelede verskyn het) is die handwoordeboek waarin die grootste versameling trefwoorde in Afrikaans verklaar word.
08 November 2012
Teater
Kort grappe
Jou ma is so kort, mens ...
27 November 2010
Teater
Die mooiste Afrikaanse liefdesgedigte
Die vierde, uitgebreide uitgawe van Die Mooiste Afrikaanse Liefdesgedigte is nou chronologies georden, sodat lesers kan sien hoe die Afrikaanse liefdesgedig oor die afgelope eeu ontwikkel het.
07 Januarie 2009
Teater
Gedigte van Anell de Beer
Wat 'n groot voorreg om deel te kan wees, en immers ek is bevrees. Ons is almal oud genoeg, om in die more te wroeg.
24 Mei 2012
Teater
Kort grappies
Wat is die verskil tussen ’n voël en 'n vlieg?

Onlangse kommentaar

Afrique mon désir by die Fugard | Roekeloos
2018-09-16 08:49:06
[…] Afrique mon désir, kombineer Hofmeyr, bekend as ‘n meester van toonsettings, ...
Gedigte van Megan Samuels | Roekeloos
2018-09-15 08:58:58
[…] Digters […]...
Weer tyd vir Nommer 37 | Roekeloos
2018-09-09 08:32:35
[…] Nommer 37 is nou beskikbaar op DVD, Box Office en spog met splinternuwe musiekvideo deur L...

Advertensie

Hou jy van ons hulpbronne? Oorweeg asseblief 'n donasie in Bitcoin: 179nZqSyFmYPcvu4ZU733PgXBKUYXcy9DD | Ons toets tans ’n kode om wiskundige probleme op te los met behulp van gebruikers se blaaiers; om nie afhanklik te wees van advertensies nie.