Voornemende besoekers aan Tafelberg in Kaapstad sal voortaan van ‘n nuwe aanlyn-kaartjiestelsel gebruik kan maak om kaartjies te koop. Dit sal beteken dat jy nie meer die lang rye op die berg hoef te trotseer nie.
‘n Aanlyn-kaartjie sal vir sewe dae geldig wees, maar kan verleng word tot drie weke.
Kaartjies beloop tans R155 vir volwassenes en R86 vir kinders onder die ouderdom van 18 jaar. Kinders onder drie jaar ry gratis. Naweke ry twee kinders gratis vir elke volwasse kaartjie wat jy koop. Die pryse word vanaf Oktober verhoog tot na die Wêreldbeker-sokkertoernooi in 2010.
Koop jou kaartjies by www.tablemountain.net.