11 Julie 2010
Boeke
’n Wolfhond? Hy hou die knoppie in en tuur na die blougrys nagtoneel – en die buitengewoon groot hondekop wat hom stip aanstaar. Daar is iets aan die stil blik van die donker oë wat nie heeltemal reg lyk nie, en die oomblik dat die hees stem oor die luidspreker kom, weet Mattheüs wat dit is.
“Matt,” sê die hondebek, “dis ek. Maak oop asseblief.”
Mattheüs Duiker, seun van Benjamin Duiker, eertydse eienaar van Duiker’s Motors, maak die hek van die Kaapse herehuis oop vir sy minnaar Jack. Vermom soos ’n wolf dring Jack die intieme donkerte binne waar Matt wag dat sy pa doodgaan sodat sý lewe kan begin. Blinkoog oor die vooruitsigte sluip die twee jonges verby die studeerkamer waar die blinde ou man, deurdrenk van droewe verknogthede en donker vermoedens, sit en wag vir die voetval van die dood.
Eben Venter se roman is ’n diepsnydende ondersoek na die verhouding tussen pa en seun, na die ontreddering van ’n man wat bitter min uit die verlede kan neem om hom toe te rus vir ’n lewe in ’n snel veranderende bestel. Intens. Ontstellend. ’n Meesterlike ontrafeling van die dun lyn van gevoel – Venter aan die toppunt van sy vermoëns.
Wolf, wolf
♦♦♦
Wolf, wolf / deur Eben Venter — Tafelberg, 15 Maart 2013 – 372p.;. — sagteband. — ISBN 9780624054993 :
Koop / Buy Wolf, wolf >> (sagteband)
Koop / Buy Wolf, wolf >> (ePub formaat / DRM)
Koop / Buy Wolf, wolf >> (softcover – English edition)
Koop / Buy Wolf, wolf >> (ePub format / DRM – English edition)
Taal: Afrikaans
Sleutelwoorde: Wolf, Eben Venter, Michiel Heyns
gobii 7″ Colour LCD eReader Black + R160 eBook Voucher
Klaprose teen die wind
Klaprose teen die wind is ’n roman oor seksuele ambivalensie en die verskrikking van vigs. Dié tema word ewewigtig en indringend ontgin. En op die koop toe kry die leser insae in die leefwyse van die Nederlanders, word hy/sy bekoor deur die vreemde. Dit is ´n roman wat die verstand en die hart aanraak.
Soos honde van die hemel
Soos honde van die hemel is ’n waagsame, ondersoekende roman oor die onlangse verlede waarin die soeklig helder val op ’n gemeenskap in ’n oorgangstydperk én op die individu. ’n Aangrypende verkenning van verhoudings – tussen mens en mens, en tussen mens en God.
♦♦♦
Skadu’s van gister
Skadu’s van gister / deur Marzanne Leroux-Van der Boon — Tafelberg, 15 Maart 2013 – 512p.;. — sagteband. — ISBN 9780624058816 :
Koop / Buy Skadu’s van gister >> (sagteband)
Taal: Afrikaans
Sleutelwoorde: Skadu’s van gister, Marzanne Leroux-Van der Boon
Gilbert Gibson se vierde digbundel is ’n konfrontasie met die simboliese lading van hierdie getal, ’n woordestryd teen die wete dat voltooiing die einde beteken, dat volmaaktheid noodwendig ook die dood impliseer.
Dit is poësie wat vernaamlik spreek van die onoorbrugbare afstand tussen woord en wêreld, van “geheime wat ’n haarbreedte van die werklikheid verwyder is”. Dit is poësie waarin woord en sintaksis tot breekpunt gespan word om nader te kom aan dit wat nie meer agterhaal kan word nie. Die verse verbeeld konkreet dat die poësie begin waar taal verbrokkel; dat die letterkunde juis ontspring uit die verbystering van sinne.
♦♦♦
vii
vii / deur Gilbert Gibson — Tafelberg, 1 Maart 2013 – 96p.;. — sagteband. — ISBN 9780624058847 :
Taal: Afrikaans
Sleutelwoorde: Gilbert Gibson
gobii 7″ Colour LCD eReader Black + R160 eBook Voucher
Pretorius gee die leser ’n unieke, eerstehandse vertelling van die “alles loop reg”-jare by Toyota, van die donker jare as hoof van die McCarthy-groep waar die groep byna skipbreuk gelei het, tot dié groep se hergeboorte as suksesvolle motormaatskappy.
Die wysheid vervat in hierdie boek is ontbeerlik vir enigeen wat sake doen in Suid-Afrika of wat ’n suksesvolle ondernming wil bedryf. Pretorius wys ook hoe elkeen van ons persoonlike leierskap aan die dag kan lê en Suid-Afrika só kan help verbeter.
’n Besielende en boeiende boek.
♦♦♦
Aan die stuur: My leierskapsreis
Aan die stuur: My leierskapsreis / deur Brand Pretorius — Tafelberg, 20 Februarie 2013. – 272 p.; sagteband. — ISBN 9780624056652 :
Koop / Buy Aan die stuur: My leierskapsreis >> (sagteband)
Taal: Afrikaans
Sleutelwoorde: Aan die stuur: My leierskapsreis, Brand Pretorius
Die opening val egter saam met persoonlike en internasionale tragedie: die wêreldwye finansiële krisis, en ’n ernstige ongeluk wat Lanie se eks-man in ’n koma laat. Boonop dreig die beleggers om haar hotel van Kaapstad af te bestuur.
Dan is daar nog die kwaai brandweerbaas en die Franse burokrasie om mee rekening te hou, die uittartende kamerbediende, ander eksentrieke hotelpersoneel, die ongewone bure en Franse vriende.
Lanie se kleurryke vertelling raak soms aan die diep hartseer wat voluit leef kan meebring, maar aan ook die ekstase van jou drome nastreef. Al is dit ’n vet kans wat jy vat …
♦♦♦
C’est la vie / deur Lanie van Reenen — Tafelberg, 15 Februarie 2013. — sagteband. — ISBN 9780624056188 :
Koop / Buy C’est la vie >> (sagteband)
Cest la vie
Taal: Afrikaans
Sleutelwoorde: C’est la vie, Lanie van Reenen
In dié reeks kyk hy na die uitwerking van ‘n veranderende samelewing op een familie – die politiek van transformasie en verset. Sentraal in die reeks is die patriarg Jan Cilliers (Marius Weyers het die rol vertolk), hoof van African Queen, ‘n maatskappy wat skoonheidsmiddels maak. Ná sy dood ontstaan groot wedywering in die familie om die hart van die maatskappy, maar in die proses word baie drome verpletter.
Opperman benut verskeie aktuele verhaalelemente om die reeks woema te gee: BEE, die moord, execution-style, van bejaarde wit egpare deur swart inbrekers, getraumatiseerde soldate van die apartheid-regime wat by hul predikante aanklop om leiding – en die herstel van hul geloof.
As teenwig vir dié emosioneel hooggespanne onderdele van die reeks, is daar ook ‘n tienerliefde wat blom en ‘n ou huwelik wat skielik geen sin meer het nie, maar Opperman se meesterlike slot berus op twee heel ander sake: die rol van Afrikaner-weerstandsbewegings, en planne wat Jan Cilliers lank voor sy dood gemaak het om die voortbestaan van sy maatskappy te verseker.
♦♦♦
Hartland
Hartland / deur Deon Opperman — Tafelberg, 15 November 2012. — 440 p. ; sagteband. — ISBN 9780624056911 :
Taal: Afrikaans
Sleutelwoorde: Hartland, Deon Opperman
gobii 7″ Colour LCD eReader Black + R160 eBook Voucher
In sy verkenning van elke leier se agtergrond, denke en persoonlikheid, neem Giliomee stelling in teenoor die idee dat Suid-Afrika in 1994 onafwendbaar op ’n ANC-oorwinning afgestuur het. Hoewel hy die belang van strukturele magte erken, argumenteer hy dat historiese toevallighede en die gehalte van leierskap die landspolitiek radikaal beïnvloed het.
Openhartige gesprekke met ’n magdom betrokkenes en talle primêre bronne werp dramatiese nuwe lig op sleutelmomente: Verwoerd se aanbod in 1950 aan stedelike swart leiers, die inval in Angola in 1975, die onverwagte deurbraak wat die arbeidshervormings moontlik gemaak het, Botha se geheime poging in 1984 om ’n ooreenkoms met die Sowjetunie aan te gaan, die agtergrond tot die rampspoedige Rubikon-toespraak, tronkgesprekke met Mandela, bosberade waar die kabinet taktiek beplan het – en hoe die Nasionale Party in die onderhandelinge nie sy beloftes kon nakom nie.
Giliomee bied ’n prikkelende politieke geskiedenis. Eerder as om te veroordeel, probeer hy verstaan waarom die laaste Afrikanerleiers opgetree het soos hulle het, en hoekom hul eie beleid hulle uiteindelik in die steek gelaat het.
Beskikbaar in Engels as The Last Afrikaner Leaders of The Last Afrikaner Leaders – A Supreme Test of Power (ePub format DRM) .
Die laaste Afrikanerleiers
Die laaste Afrikanerleiers / deur Hermann Giliomee — Tafelberg, 16 Oktober 2012. — 448 p. ; sagteband. — ISBN 9780624052555 :
Koop / Buy Die laaste Afrikanerleiers >> (sagteband)
Taal: Afrikaans
Sleutelwoorde: Die laaste Afrikanerleiers, Hermann Giliomee
gobii 7″ Colour LCD eReader Black + R160 eBook Voucher
Dit kom uit Portugal en dit dwing haar om alles te onthou wat sy ‘n leeftyd lank probeer vergeet het. Want wat ‘n halwe eeu gelede in Portugal gebeur het, het haar eie lewe asook dié van die volgende twee geslagte onherroeplik verander.
Haar dogter, Nandi, se verset teen haar ouers en haar afkoms is so verreikend dat sy haar kind vir aanneming weggee, alleen oorsee vlug en alle bande met haar familie verbreek. Haar kleindogter, Tina, word groot sonder om haar bloedfamilie te leer ken.
Maar bloed bly bloed, jou familie bly jou familie, jou taal bly jou taal. Daarom word dit die verhaal van ‘n Afrikaanse familie, van drie opeenvolgende geslagte wat reageer op mekaar en op hul tyd, van drie vroue wat leef in die spanning tussen weggaan en moet bly, tussen vergeet en móét onthou.
Saudade, leer Colette in Portugal, is die liefde wat bly nadat die voorwerp van die liefde verdwyn het. Die blou van onthou is ’n wydstromende rivier van ’n roman, ’n boek wat die leser onderdompel en omrol en maal in sy kolke van stemme en geskiedenis en oeroue hunkerings.
Die blou van onthou
♦♦♦
Die blou van onthou / deur Marita van der Vyver — Tafelberg, 1 Oktober 2012. — 360 p. ; sagteband. — ISBN 9780624055181 :
Koop / Buy Die blou van onthou >> (sagteband)
Koop / Buy Die blou van onthou >> (ePub formaat / DRM)
Taal: Afrikaans
Sleutelwoorde: Die blou van onthou, Marita van der Vyver
gobii 7″ Colour LCD eReader Black + R160 eBook Voucher
Dié keer is die heldin ’n vrou. Lydia Stander. Luitenant Lydia Stander. Verbonde aan die Valke se afdeling vir prioriteitsmisdaad. Sy is toegewyd, gedrewe, slim en, ja, mooi ook. Nie dat enigeen van hierdie eienskappe dit vir haar maklik maak by die werk nie – dis ’n mannewêreld. Sy het egter ook deursettingsvermoë, en dit is deurslaggewend as sy te make kry met ‘n reeks moorde wat dalk iets gemeen het: ’n polisieman wat voor sy woonstel in Wonderboom-Suid geskiet is; die lyk van ’n gesiene sakeman wat in die parkeergarage van ’n kantoorkompleks gekry word; ’n staatsaanklaer wat op haar bloeddeurdrenkte mat gekry word …
Een van die spore lei Lydia en haar span na ’n kleinhoewe buite Pretoria. Die eienaar is ene Kalvyn Botha, ’n oudsoldaat wat nou ’n veiligheidskonsultant is. ’n Geheimsinnige man, wat boonop onverklaarbaar op die toneel verskyn wanneer iemand Lydia by haar huis voorlê.
Arendsnes
Arendsnes word 15 September 2012 vrygestel.
Arendsnes / deur Dirk Jordaan — Tafelberg, 15 September 2012. — 256 p. ; sagteband. — ISBN 9780624055327 :
Taal: Afrikaans
Sleutelwoorde: Arendsnes, Dirk Jordaan
(Stuur enige resensies of bydraes na bydraes by roekeloos.co.za)
Die Alternatiewe Verklarende Afrikaanse Woordeboek: komplot | Roekeloos
2018-12-09 20:26:41