Die laaste Afrikanerleiers

Die gevierde historikus Hermann Giliomee beskou die val van wit regering in Suid-Afrika uit ’n prikkelende nuwe hoek: Pleks van onpersoonlike magte, of die vindingrykheid van ’n onstuitbare weerstandsbeweging, beklemtoon hy die rol van die Nasionale leiers en hul uitgesproke kritikus, Van Zyl Slabbert. Wat het die laaste Afrikanerleiers, van Verwoerd tot De Klerk, aangevuur? Hoe het hulle sekuriteit, ekonomiese groei en wit bevoorregting probeer versoen met die eise van ’n immer meer uitgesproke swart leierskap – en met foutiewe volkskattings?

In sy verkenning van elke leier se agtergrond, denke en persoonlikheid, neem Giliomee stelling in teenoor die idee dat Suid-Afrika in 1994 onafwendbaar op ’n ANC-oorwinning afgestuur het. Hoewel hy die belang van strukturele magte erken, argumenteer hy dat historiese toevallighede en die gehalte van leierskap die landspolitiek radikaal beïnvloed het.

Openhartige gesprekke met ’n magdom betrokkenes en talle primêre bronne werp dramatiese nuwe lig op sleutelmomente: Verwoerd se aanbod in 1950 aan stedelike swart leiers, die inval in Angola in 1975, die onverwagte deurbraak wat die arbeidshervormings moontlik gemaak het, Botha se geheime poging in 1984 om ’n ooreenkoms met die Sowjetunie aan te gaan, die agtergrond tot die rampspoedige Rubikon-toespraak, tronkgesprekke met Mandela, bosberade waar die kabinet taktiek beplan het – en hoe die Nasionale Party in die onderhandelinge nie sy beloftes kon nakom nie.

Giliomee bied ’n prikkelende politieke geskiedenis. Eerder as om te veroordeel, probeer hy verstaan waarom die laaste Afrikanerleiers opgetree het soos hulle het, en hoekom hul eie beleid hulle uiteindelik in die steek gelaat het.

Beskikbaar in Engels as The Last Afrikaner Leaders of The Last Afrikaner Leaders – A Supreme Test of Power (ePub format DRM) .

Die laaste Afrikanerleiers
Die laaste Afrikanerleiers
♦♦♦

Die laaste Afrikanerleiers / deur Hermann GiliomeeTafelberg, 16 Oktober 2012. — 448 p. ; sagteband. — ISBN 9780624052555 :

Taal: Afrikaans
Sleutelwoorde: Die laaste Afrikanerleiers, Hermann Giliomee

gobii 7" Colour LCD eReader Black + R160 eBook Voucher
gobii 7″ Colour LCD eReader Black + R160 eBook Voucher
Koop / Buy gobii 7″ Colour LCD eReader Black + R160 eBook Voucher >>

Lewer kommentaar

Lewer kommentaar